Alyp kúsh ıeleri Qazaqstannyń ashyq kýbogynda myqtyny anyqtaıdy
ASTANA. QazAqparat - Qaraǵandy qalasynda 10 qyrkúıek kúni armlıftıngten Qazaqstan kýbogy ótedi, dep habarlaıdy QazAqparat Qaraǵandy oblysy ákimdiginiń baspasóz qyzmetine silteme jasap.
Armlıftıng (WAA) pen ziltemirdi jatyp, syǵymdap kóterýden (IMBPA) Qazaqstannyń І Ashyq kýbogyna 90-nan astam sportshy qatysady.
Qatysýshylar óz salmaq sanattary jáne nomınatsııalar boıynsha básekege túsedi. Tıisti normatıvterdi tapsyrǵandarǵa sport sheberi kandıdaty, sport sheberi jáne de halyqaralyq sanattaǵy sheber ataqtary beriledi.
Jarys úsh kezeńmen ótedi: ziltemirdi jatyp, syǵymdap kóterý (nemese áskerı syǵymdap kóterý), orys osi jáne orys rýletkasy.
Áskerı syǵymdap kóterýdiń ziltemirdi qarapaıym kóterýden aıyrmashylyǵy - qarapaıym nusqada aıaqqa salmaq salyp, olardy edenge qoıýǵa bolsa, áskerı nusqada ondaı múmkindikter joq: aıaqtar aıqastyrylyp, deneden joǵary kóterilip turýy tıis.
Orys osi - qarapaıym bitimge tartýdaǵy jattyǵýlarǵa uqsaıdy, alaıda shtanganyń grıfi munda anaǵurlym keńirek - dıametri bes santımetrdeı bolady. Qaraǵandylyq jarystyń baǵdarlamasyna bul sport túri birinshi ret engizilip otyr.
Orys rýletkasy - ol aınalyp turatyn oste ornalastyrylǵan dıskiler. Olardy bir qolmen ustap turý qajet.
