Alyp kesirtke týrıst qyzdy jep qoıdy
ASTANA. QazAqparat - Taılandta 30 jastaǵy belgııalyq týrıstiń ólimi tekserilýde. Onyń kesirtke kemirip tastaǵan súıegi sáýir aıynyń sońynda Taý aralynan tabylǵan bolatyn.
Polıtsııa onyń týystaryna boıjetken óz-ózine qol salǵanyn habarlaǵan, alaıda Elızanyń otbasy buǵan senbeıdi, dep habarlady, Vestı.ru
Kesirtke Dallemangeniń denesin kemirip tastaǵany sonshalyq, ony stomatologııalyq saraptamanyń kómegimen ǵana anyqtaý múmkin boldy.
Qyzdyń ata-anasynyń aıtýynsha, ol sońǵy aılarda álemdi sharlap, ıogany úırenip, medıtatsııamen aınalysyp júrgen. Sońǵy ret týystarymen qaıtys bolardan birneshe kún buryn «Skaıp» arqyly sóılesken. Onyń kóńil-kúıi kóterińki, janǵa jaıly jerde tabıǵatpen úndesip ómir súrip jatqanyna baqytty bolǵan.
Elızanyń denesiniń janynan onyń óler aldynda jazýy múmkin hattyń tabylmaýy - ata-anasynyń kúdigin týdyrýda. Jýrnalısterdiń paıymynsha, polıtseıler týrısterdi shoshytyp almas úshin sheteldik qyzdyń naqty qalaı qaza tapqandyǵyn jarııalamaı otyr.
Sońǵy úsh jylda Taý aralynda jeti adam ajal qushty. Olardyń barlyǵy uzyndyǵy úsh metrge jetetin kesirtkeniń qurbany bolǵan. Olardyń ýy kóp jaǵdaıda ólimge alyp keledi.
