Alıaskadaǵy sammıtten soń Trampty qoldaýshylar sany artqan

ASTANA. KAZINFORM - InsiderAdvantage saýalnamasynyń nátıjesi boıynsha, Alıaskada Reseı prezıdenti Vladımır Pýtınmen bolǵan kezdesýden soń AQSh prezıdenti Donald Trampty qoldaýshylar sany artqan.

15-17 tamyz aralyǵynda júrgizilgen saýalnama nátıjesine sáıkes, respondentterdiń 54 paıyzy AQSh prezıdentiniń jumysyn qoldaıtynyn bildirgen.

Osynyń aldynda, ıaǵnı 22-23 shilde kúnderi júrgizilgen zertteýler kezinde saýalnamaǵa qatysqandardyń 50 paıyzy Trampqa qoldaý bildirgen.

- Donal Tramp qart saılaýshylardy eseptemegende adamdardyń barlyq jastary boıynsha basymdyqqa ıe. Onyń kórsetkishteri afroamerıkalyqtar men latynamerıkalyqtar arasynda ósken, dep jazady InsiderAdvantage. Bul rette 65 jasqa deıingi adamdardyń arasynda Tramptyń jumysyn qoldaıtyndar sany óte kóp ekenin aıty ketý kerek.

Aıta keteıik, Vladımır Pýtın men Donald Tramptyń kelissózderi Alıaska shtatynyń Ankorıdj qalasyndaǵy «Elmendorf-Rıchardson» áskerı bazasynda ótti jáne 3 saǵatqa jýyq ýaqytqa sozyldy.