Alıaskadaǵy reseılik jáne amerıkalyq delegattar stýdenttik jataqhanalarǵa ornalastyryldy

ASTANA.KAZINFORM — Alıaska shtatynyń Ankorıdj qalasynda ótetin Reseı-AQSh sammıtine kelgen reseılik jáne amerıkalyq delegatsııalardyń bir bóligi qonaqúıdegi oryn tapshylyǵyna baılanysty jergilikti ýnıversıtettiń jataqhanasyna ornalastyryldy, dep habarlaıdy Alaska News Source. 

Alıaskanyń Ankorıdj ýnıversıteti (UAA) reseılik jáne amerıkalyq delegattardyń kampýstaǵy jataqhanalarǵa ornalastyrylǵanyn málimdedi.

— Jataqhanalardan basqa, bizde tósek-oryndary bar Alaska Airlines ortalyǵy bar, onda reseılik delegatsııa ornalastyryldy, — dedi Raıan Býhholdt, UAA ákimshilik ister jónindegi vıtse-kantsleri.

Býhholdt ýnıversıtet polıtsııasy qaýipsizdikti qamtamasyz etý úshin shtat pen federaldy quqyq qorǵaý organdarymen tyǵyz jumys istep jatqanyn aıtty.

— Bizdiń basty maqsatymyz — Amerıka Qurama Shtattarynan, Reseıden nemese kez kelgen basqa aımaqtan bolsyn, kampýstaǵy barlyq adamnyń qaýipsizdigin qamtamasyz etý, — dedi Býhholdt.

Qazirgi ýaqytta Ankorıdjde qonaqúı bólmesine tapsyrys berý nemese kólikti jalǵa alý múmkin emes. Alıaska tanymal jazǵy týrıstik baǵyt bolǵandyqtan, osy maýsymda qonaqúıler men jalǵa beriletin kólikterge suranys árqashan joǵary. Onyń aıtýynsha, qala bıligi delegattardy ornalastyrý úshin «kreatıvti sheshimder» izdeýi kerek.

Aıta keteıik, Vladımır Pýtın men Donald Tramp 15 tamyzda Alıaskada kezdesedi.