Alıaskadaǵy kelissózderge qatysatyn AQSh delegatsııasynyń quramy jarııalandy

ASTANA. KAZINFORM —  Ankorıdj qalasyna saparynda Donald Trampqa AQSh memlekettik hatshysy Marko Rýbıo, qarjy jáne saýda mınıstrleri Skott Bessent pen Govard Latnık, sondaı-aq Ortalyq barlaý basqarmasynyń (TsRÝ) dırektory Djon Retklıff jáne arnaıy ókil Stıven Ýıtkoff erip barady.

Aq úıdiń málimetinshe, delegatsııa quramyna barlyǵy 16 sheneýnik engen. Olardyń arasynda AQSh-tyń bas protokolshysy Monıka Kroýlı, Aq úı apparatynyń basshysy Sıýzan Ýaıls, onyń orynbasarlary Djeıms Bler, Bo Harrıson, Den Skavıno, kommýnıkatsııalar jónindegi dırektor, baspasóz hatshysy jáne AQSh prezıdentiniń kómekshileri Stıven Chýn, Kerolaın Lıvıtt jáne Nık Lýna bar. Sondaı-aq Ankorıdjge Tramppen birge onyń spıchraıteri Ross Ýortıngton jáne apparattyń jaýapty hatshysy qyzmetin atqaratyn zańger Ýıll Sharf barady.

Aq úıdiń habarlaýynsha, AQSh vıtse-prezıdenti Djeı Dı Vens pen Pentagon basshysy Pıt Hegset delegatsııa quramyna enbegen.

Reseı jaǵynan kelissózderge RF Syrtqy ister mınıstri Sergeı Lavrov, Memleket basshysynyń kómekshisi ıÝrıı Ýshakov, qorǵanys mınıstri Andreı Beloýsov, qarjy mınıstri Anton Sılýanov, sondaı-aq Reseıdiń tikeleı ınvestıtsııalar qorynyń basshysy Kırıll Dmıtrıev qatysady.

Buǵan deıin Tramptyń Pýtınmen kezdesýge Ankorıdjge ushyp shyqqany habarlanǵan edi.