Alıaskada shaǵyn ushaq apatynan úsh adam qaza tapty
ASTANA. QazAqparat - Juma kúni Amerıkanyń Alıaska shtatyndaǵy Admıraltı aralynda Cessna 206 shaǵyn ushaǵy qulap, saldarynan úsh adam qaza taýyp, bir adam zardap shekti. Bul týraly jergilikti bılik ókilderi habarlady.
Olardyń aıtýynsha, Cessna 206 ushaǵy 450-ge jýyq turǵyny bar Angýn qalashyǵynyń qasynda qulaǵan. Onyń bortynda 4 adam boldy. TASS-tyń habarlaýynsha, qutqarýshylar bir tiri áıeldi anyqtap, ony dereý aýrýhanaǵa jetkizdi.
Qutqarýshylardyń ushaqtary áýe apaty ornyna qatty jel saldarynan jaqyndaı almaı otyr.
