Alıaskada magnıtýdasy 7 baldyq jer silkinisi boldy
ASTANA. KAZINFORM — AQSh-tyń Alıaska shtatynda magnıtýdasy 7 bolatyn jer silkinisi tirkeldi. Bul týraly AQSh Geologııalyq qyzmeti (USGS) habarlady.
Ortalyqtyń málimetinshe, jerasty dúmpýleriniń epıtsentri ıAkýtat qalasynan 90 shaqyrym soltústikke qaraı ornalasqan. Jerasty terbelisiniń oshaǵy 10 shaqyrym tereńdikte ekeni belgili boldy.
Zardap shekkender men qıraǵan nysandar týraly aqparat túsken joq.
Bul oqıǵa jer silkinisteriniń tizbegindegi yqtımal negizgi dúmpý retinde anyqtaldy.
«Alıaskadaǵy ıAkýtat túbeginiń mańynda jáne AQSh pen Kanada shekarasy boıynda bolǵan magnıtýdasy 7 baldyq jer silkinisi Tynyq muhıty plıtasy men Soltústik Amerıka plıtasy arasyndaǵy nemese oǵan jaqyn ornalasqan plıtalar shekarasyndaǵy qıǵash baǵytta syrǵý saldarynan boldy. Jer silkinisiniń mehanızmi Ferýezer jarylysy aımaǵyndaǵy japsyra kóterilý men oń jaqty yǵysý qozǵalysynyń úılesimine sáıkes keledi», delingen USGS resmı habarlamasynda.
Ferýezer jarylysy — bul aımaqtaǵy plıtalar shekarasyndaǵy iri jarylys jáne Kanada batys jaǵalaýynyń kóp bóligin boılaı sozylyp jatqan Sharlotta hanshaıymy jarylysynyń soltústik bóligi sanalady.
Jalpy, bul plıtalar shekarasy aımaǵynda buǵan deıin de kúshti jer silkinisteri bolǵan. Sonyń ishinde 1958 jyly Lıtýıa shyǵanaǵynda magnıtýdasy 7,8 jer silkinisi boldy (ol opyrylý saldarynan qýatty tsýnamı týdyrǵan). Bul aımaq óńir úshin aıtarlyqtaı qaýipti bolyp sanalady. 1950 jyldan beri 320 shaqyrym radıýsta magnıtýdasy 6 jáne odan joǵary 16 jer silkinisi tirkelgen, onyń ishinde 1979 jyly 6 jeltoqsandaǵy jer silkinisiniń batysynda oryn alǵan magnıtýdasy 7,1 Makkartı jer silkinisi bar. 1987 jyly ıAkýtat blogynyń ońtústik-batys shetinde, Alıaska shyǵanaǵynda magnıtýdasy 7,9 bolatyn yǵysý túrindegi jer silkinisi boldy.
Aıta keteıik, keshe Taraz ben Shymkentte 2 balldyq jer silkinisi sezildi. Jer silkinisiniń oshaǵy Ózbekstan aýmaǵynda, Almaty qalasynan ońtústik-batysqa qaraı 565 shaqyrym qashyqtyqta ornalasqan.