Alıaskada kıtter belgisiz sebeppen qyrylyp jatyr
ASTANA. QazAqparat - Alıaskadaǵy Kadıak aralynyń jaǵalaýynan balyqshylar men ıahta aıdaýshylar óli kıtterdi jıi baıqap júr.
Muhıt jáne atmosfera zertteýleri ulttyq basqarmasynyń málimetinshe, sońǵy aıda bul jerden 9 kıttiń óleksesi tabylǵan. Mamandardyń aıtýynsha, teńiz janýarlarynyń barlyǵy bir ýaqytta jáne bir jerde ólgen. Dál osy jaıt ǵalymdardy tyǵyryqqa tiredi. Sebebi buryn olar bir kıttiń ólimin tek eki jylda bir ret ǵana baıqaıtyn bolǵan, dep jazady 24.kz epochtimes.ru-ǵa siltememen.
Bıologtardyń málimdeýinshe, olar bıotoksındermen ýlanǵan bolýy múmkin. Taıaýda júrgizilgen sý saraptamasy bul kúdikti rastamasa da, osydan 1 aı buryn ol jerde naqty qandaı jaǵdaı bolǵanyn eshkim bilmeıdi. Endi mamandar kıtterdiń ólekselerin saraptamadan ótkizip, olardyń neden ólgenin anyqtaýǵa bel býdy.
