Alıaskada bir motorly ushaq qulady, qaza tapqandar bar
ASTANA. QazAqparat - Senbi kúni Alıaskadaǵy Berchvýd aerodromynan ushqan bir motorly ushaq jerge qulady. Bortta bolǵan ushqysh pen jolaýshy qaza tapty, dep habarlaıdy Ankorıdj qalasynyń polıtsııa basshysy Krıs Tollı.
«Ushaq jerge qulady jáne kýágerlerdiń aıtýynsha dereý órtenip ketken», - dep málimdedi K.Tollı. «Biz ushaqtyń qojaıyny kim ekenin bilmeımiz, biraq boljamymyz bar. Barlyq aqparat tekserilgennen keıin, máseleniń mán-jaıyn jarııalaıtyn bolamyz», - dedi polıtsııa basshysy.
TASS agenttiginiń habarlaýynsha, Ankorıdjdiń órtke qarsy kúzet qyzmeti basshysynyń orynbasary Erık Sheınemann bir ǵana adamnyń ólimin rastady. «Biz bir ǵana qurban bar dep oılaımyz. Árıne, mundaı jaǵdaıda muqııat tekserip shyqqan jón. Tek qana bir adam qaza tapty dep úmittenemiz», - dedi ol.
Bılik ushaqtyń qulaǵany týraly Ulttyq kólik qaýipsizdigi basqarmasyna habarlady. Vedomstvo apat ornyna tergeýshiler tobyn jiberdi.
