Alıaskada aptap ystyqtan balyqtar qyrylyp jatyr
NUR-SULTAN. QazAqparat – Bıyl AQSh-tyń Alıaska shtatyndaǵy jaz erekshe ystyq bolǵandyqtan birshama balyqtar, sonyń ishinde aqserke qyrylyp jatyr. Bul týraly CNN telearnasy habarlady.
ıÝkon taıpaaralyq balyq komıssııasynyń dırektory Stefanı Kýınn-Devıdsonnyń aıtýynsha, jergilikti turǵyndar aqserkeniń qyrylyp jatqany týraly habar bergen soń, Koıýkýk ózenine bir top zertteýshi barǵan.
Ekspedıtsııa ýyldyryq shashý kezinde mert bolǵan 850 aqserkeni anyqtady. Biraq zertteýshiler, mertikken balyqtar budan on ese kóp bolýy múmkin ekenin aıtady.
Komıssııa dırektory balyqtar óńirge tán emes aptap ystyqtan qyrylǵanyn málimdedi.
Shilde aıynda AQSh-tyń Ulttyq meteorologııa qyzmeti Alıaskanyń birneshe aýdanynda aýa temperatýrasy tym joǵarylap, rekordtyq mejege jetkenin habarlaǵan.
Mysaly, Shtattyń ońtústik bóliginde, Naık ózeniniń Alıaska shyǵanaǵyna quıar saǵasyna oryn tepken Ankorıdj qalasynda synap baǵany 32ºC-ty kórsetken.
Eske sala keteıik, shildede aptap ystyq saldarynan Alıaskada ormandar janyp, qustar qyrylǵan.
