Alıaska shtatynyń haıýanattar baǵynda ańdar arasynda prezıdent saılaýy ótedi
ASTANA. 9 qyrkúıek. QazAqparat - Amerıkanyń Alıaska shtatynyń haıýanattar baǵynda ańdar arasynda prezıdent saılaýy ótedi. Zoobaq prezıdenti bolý dodasyna Apan atty aq aıý men Denalı atty qasqyr túsip otyr.
Associated Press taratqan málimetke qaraǵanda, Alıaska haıýanattar baǵynyń prezıdenti budan bylaı tórt jylda bir ret ótpek. Ańdar arasynan zoobaqtyń birinshi basshysy bolýǵa eki úmitker ǵana usynylyp, olardyń kandıdatýrasy maquldandy. Baq basshylyǵy Apan men Denalı úshin mekeme saıtynan arnaıy profaıldar ashqan. Odan úmitkerler týraly málimettermen jáne olardyń saılaýaldy baǵdarlamasymen tanysýǵa bolady. Urǵashy aq aıýdyń profaılynda onyń 14 jasta ekeni, Alıaskada dúnıege kelgeni, zoobaqqa úsh jasynda tap bolǵany jazylǵan. Onyń ózge ańdardan basty kóshbasshylyq artyqshylyǵy sýda da, qurlyqta da kóp júre alatyny jáne Coca-Cola brendi arqyly álemge tanylǵany eken. Erkek qasqyr Denalı de Apanǵa teń básekeles bolyp shyqty. Alıaska zoobaǵyn eki aptalyq kezinen bastap mekendeıtin ol sol óńirdegi taýmen jáne radıostansymen attas. Ázirshe kópashilik Apanǵa kóp daýys berip jatqan kórinedi. Daýys berý qorytyndysy 6 qarasha - AQSh prezıdentin saılaý kúni shyǵarylady. Aıta keteıik, bul saıası tartys Barak Obama men Mıtt Romnı arasynda ótedi, dep jazady «Jas alash» basylymy.
