Alıaska shtatyndaǵy joǵalǵan ushaq izdestirilip jatyr
ASTANA. KAZINFORM - Amerıka bıligi Alıaska shtatynda iz-túzsiz joǵalyp ketken ushaqty izdestirip jatyr. Ushaq bortynda 10 adam bolǵan, dep habarlaıdy VVS.
Alıaska aımaǵyndaǵy AQSh jaǵalaý kúzetiniń habarlaýynsha, Bering Air kompanııasyna tıesili Cessna Caravan ushaǵy Ýnalaklıta men Nom baǵytynda baılanystan ajyrap qalǵan kezde jaǵalaýdan 19 km qashyqtyqta bolǵan.
Eki qala bir-birinen shamamen 235 km qashyqtyqta ornalasqan.
- Bortta 10 adam bolǵan. 9 jolaýshy men ushqysh, - dep habarlady Alıaska qoǵamdyq qaýipsizdik departamenti.
Aıta keteıik, qańtar aıynyń sońynda Vashıngtondaǵy Ronald Reıgan áýejaıynyń mańynda jolaýshylar ushaǵy men tikushaq aýada soqtyǵysyp, Potomak ózenine qulaǵan bolatyn. Saldarynan 67 adam qaza tapty.
Aqpan aıynyń basynda Fıladelfııanyń soltústik-shyǵysynda medıtsınalyq evakýatsııa ushaǵy áýege kóterilgennen keıin kóp uzamaı apatqa ushyrady. Borttaǵy alty adam men jerdegi kólikte bolǵan bir adam qaza tapty.