Alýa Joldybalına Prezıdent Joldaýyna qatysty pikir bildirdi
«Prezıdenttiń búgingi Joldaýynda birshama jańa bastamalar kórinis tapty. Eń birinshiden memlekettik qarjyny basqarý tujyrymdamasy. Búgingi memlekettik qarjyny jumsaý jáne ony baqylaý tártibine úlken mán berildi. Ulttyq qordan bólinetin qarajat, odan keıin bıýdjetten ár túrli baǵdarlamalarǵa beriletin qarajattyń barlyǵyn baqylaý jáne ony tıimdi basqarýǵa baılanysty jańa bastama aıtyldy. Ekinshiden, tsıfrlyq úkimettiń jańa arhıtektýrasyn qurý. ıAǵnı, barlyq qyzmetterdi, ásirese kvazısektordaǵy uıymdarǵa tsıfrlyq qyzmettiń barlyǵyn qol jetimdi etip, tsıfrlandyrýǵa múmkindik beredi- dedi Alýa Joldybalına.
Sonymen qatar, ol Joldaýda aıtylǵan ǵylym salasyn damytýdyń mańyzyna toqtaldy.
«Joldaýda ǵylym salasyn úshjyldyq grant berýdi 5 jylǵa deıin sozý máselesi oryndy qozǵaldy. Bul óz kezegindel irgeli zertteýlerdi júrgizýge, tıimdi júzege asyrýǵa múmkindik beredi. Taǵy bir mańyzdy bastama máslıhat pen májilis depýtattarynyń oryndaryn bólý. Endigi kezde 30%-dyq kvotanyń eskerilýi mindetti túrde bolady. ıAǵnı, eger oǵan deıin kandıdattardyń tiziminde ǵana osy kvota saqtalynsa, endi depýtattarmen, ásirese, máslıhat, májilis deńgeıindegi depýtattardyń oryndaryn bólgen kezde bos kvotanyń saqtalýy ol saıası modernızatsııanyń ári qaraı jalǵasyn kórsetedi»- dep tolyqtyrdy Alýa Joldybalına.
Esterińizge sala keteıik, búgin Qasym-Jomart Toqaev Parlamenttiń eki palatasynyń birlesken otyrysynda Qazaqstan halqyna jyl saıynǵy Joldaýyn jarııalady. Joldaýda Prezıdent elimizdiń áleýmettik-ekonomıkalyq damýynyń aldaǵy jylǵa arnalǵan basym maqsattaryn jarııa etti.
Avtory: Dýman Arǵyngeldi
