Alýa Joldybalına: Prezıdent úndeýinde kópshilikti tolǵandyryp júrgen máselelerge toqtaldy

NUR-SULTAN. QazAqparat – Prezıdent janyndaǵy Qazaqstan strategııalyq zertteýler ınstıtýtynyń bólim basshysy Alýa Joldybalına Memleket basshysy Qasym-Jomart Toqaevtyń elimizde qalyptasqan ahýalǵa baılanysty úndeýine qatysty pikir bildirdi, dep habarlaıdy QazAqparat tilshisi.

«Prezıdent óz málimdemesinde osy ýaqytqa deıin karantın sharalaryn jappaı saqtamaǵandyqtan Densaýlyq saqtaý mınıstrliginiń burynǵy basshylyǵynyń júıeli qatelikterinen, ákimderdiń álsizdiginen pnevmonııanyń kúrt ósýimen birge bolǵan koronavırýstyń ekinshi tolqyn májbúr ekenine nazar aýdardy. Eń bastysy, Memleket basshysy COVID indeti men pnevmonııa saldarynan dúnıe salyp jatqan azamattarymyzdyń jaqyndaryna kóńil aıtyp, osyǵan oraı 13 shildeni Ulttyq aza tutý kúni dep jarııalady. Buǵan deıin 4 sáýirde Qytaı, 22 mamyrdan bastap 3 kúnge AQSh, 27 mamyrdan bastap 10 kúnge Ispanııa sekildi elder aza tutý kúnin jarııalaǵan bolatyn. Óıtkeni osy memleketterde atalǵan aýrýdan edáýir adam shyǵyny boldy», - dedi Alýa Joldybalına.

Sarapshynyń aıtýynsha Qazaqstan da 2019 jyldyń 28 jeltoqsanynda jarııalanǵan jalpyulttyq aza tutý kúninen keıin araǵa jarty jyl ýaqyt salyp elimizde koronovırýs indetinen adamdardyń qaza bolýyna baılanysty qaraly kún jarııalanady. Jalpy táýelsizdik alǵannan bastap, ıaǵnı 1991 jyldan beri Qazaqstanda aza tutý kúni toǵyzynshy ret jarııalandy.

«Prezıdent aıtyp ótkendeı, «kemshilikterdi biz kórip otyrmyz. Odan tıisti sabaq alyp, qajetti sharalardy qabyldaımyz». ıAǵnı ustanymy bıik el retinde biz de pandemııa jaǵdaıynan óz sabaqtarymyzdy alyp, «búkil kúsh jigerimizdi jınap, indetpen kúrese berýimiz» kerek ekendigimiz sózsiz. Árıne, Prezıdent Q.Toqaev óz úndeýinde toqtalǵan mańyzdy máselelerdiń basym bóligi sońǵy ýaqytta kópshilikti tolǵandyryp júrgen edi. Ásirese, áleýmettik jelilerde jáne birqatar BAQ-ta koronavırýspen kúreske qatysty bıliktiń áreketteri synǵa alynyp, ótkir problemalar retinde talqylandy. Memleket basshysy densaýlyq salasynyń jáne jekelegen óńirlerdiń indetpen kúrestegi jibergen qatelikterin ashyp aıtyp, eshkimniń de kómeksiz qalmaıtynyn atap kórsetti», - dep atap ótti sarapshy.

Eske sala ketsek búgin Memleket basshysy Qasym-Jomart Toqaev respýblıkalyq telearnalar arqyly elimizde qalyptasqan ahýalǵa baılanysty úndeý jarııalaǵan bolatyn.