Alýa Joldybalına: Halyqpen keri baılanys mobıldi júıege kóshýi kerek
«Halyqpen keri baılanys ákimderdiń jumysyn baǵalaýdyń ındıkatory bolýyna oraı mynany aıtqym keledi. Jalpy azamattardyń shaǵymdanýy men saýalyna qatysty qoǵamdy úsh tendentsııa qalyptasyp otyr. Birinshiden, sońǵy 5 jylda azamattar tarapynan túsetin shaǵymdar men suraý salýlar sany jyl saıyn artyp keledi. Praktıka boıynsha 5 jyl kóleminde osyndaı úrdis saqtalsa, ári qaraı da toqtamaı ósedi degen sóz. Ekinshiden, bizde jeke jáne zańdy tulǵalardyń suraýlary men shaǵymdaryn qaraýdyń aıqyn tártibi joq. Sol sebepti, halyqtyń basym bóligi áli kúnge deıin shaǵym men suraýyn jazbasha jáne qaǵaz túrinde ótkizedi. Elektrondy poshta, saıt sııaqty ár túrli mehanızmderdi paıdalaný deńgeıi óte tómen. Úshinshiden, halyq shaǵym jazsa da, suraý salsa da birden ortalyq organdarǵa jazady. Jergilikti organdarǵa shaǵym aıtýshylar men suraý salýshylardyń sany az. Bul aımaqtardaǵy jumysty kúsheıtý kerektigin kórsetedi. Tórtinshiden, bizdiń azamattar keńes berip, usynys aıtý jaǵyna enjar. Júginimderdiń kóbi shaǵym men ótinishten turady. ıAǵnı, eki aradaǵy dıalogta osyndaı dısbalans bar», - deıdi sarapshy.
Onyń aıtýyna qaraǵanda, osy máseleni sheshý úshin qaǵaz túrindegi júginýdi azaıtýda tsıfrlyq tehnologııanyń paıdasy zor.
«Bizde tsıfrlyq paltformada dıalog qurýǵa qajet mehanızm bar. eGov.kz portalyn mysalǵa keltirýge bolady. Biraq ony da paıdalaný deńgeıi qarqyndy emes. Óıtkeni, elektrondy qoltańba qoıýdyń tehnıkalyq erekshelikteri bar. Sondyqtan bizge mobıldik qosymshalar kerek. Nur-Sultan qalasy ákimdiginiń iKomek jobasy, Bas Prokýratýranyń Qamqor qosymshasy qazir el arasynda tanymal. Jastardyń belsendiligi, tirshiliktiń bári ınternetke baılanyp jatqanyn eskere otyryp, osy mobıldi qosymshalar júıesin damytý kerek. Aımaqtaǵy ákimdikter osyny qolǵa alýy qajet. Osy kezde ǵana keri baılanys ornaıdy», -degen Alýa Joldybalına damyǵan elderdiń tájirıbesin mysalǵa keltirdi.
«Qandaı da bir mańyzdy sheshim, baǵdarlama qabyldanar kezde eldiń usynysy jınalýy kerek. Mysaly, Islandııa óziniń Konstıtýtsııasyn áleýmettik jeli negizinde qalaǵan jalǵyz memleket bolyp otyr. Ol eldiń Konstıtýtsııasyndaǵy negizgi ózgeristiń bári áleýmettik jelide talqylaý arqyly engizilgen. Bizde zańdardy talqylaýda «Ashyq Úkimet» portaly jaqsy jumys istep otyr. Al Fınlıandııada 2012 jyldan bastap 50 myń daýys jınamaǵan zań jobasy Parlamentten keri qaıtarylady. Bul halyqtyń pikirin eskerý, usynysyna qulaq asý degen sóz», - dedi sarapshy.
