Alýa Balqybekova Azııa chempıonatynyń fınalyna shyqty

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda Alýa Balqybekova fınalǵa shyqty, dep habarlaıdy QazAqparat tilshisi.

Azııa chempıony, álem birinshiliginiń kúmis júldegeri Alýa Balqybekova 48 kelige deıingi salmaqta ózbekstandyq Farzona Fozılovamen jekpe-jek ótkizdi.

Qazaqstandyq jáne ózbekstandyq boksshylardyń kezdesýi qashanda qyzý ótetini belgili. Olımpıada, álem ne Azııa birinshiligi bolsyn, qaı qurama medaldi kóp alady degen básekelestik áýelden bar.

Onyń ústine kúndizgi sessııada Qazaqstannan úsh boksshy fınalǵa shyǵa almaı qaldy.

Alýa birden shıraq qımyldap, qarsylasynan aılasyn asyryp, dál soqqylarymen tejeı bildi. Tóreshiler de A.Balqybekovanyń sheberligi basym ekendigin moıyndady – 5:0.

Osylaısha, Alýa Balqybekova Jaına Shekerbekovadan keıin ekinshi bolyp fınalǵa joldama aldy.

Keshki sessııada sondaı-aq Jazıra Oraqbaeva (52 kg) japonııalyq Rınka Kınosıtemen, Karına Ibragımova (57 kg) fılıppındik Nestı Petesıomen, Darıǵa Shákimova taıvandyq Chen Nen Chınmen, Gúlsaıa Erjan (81 kg) vetnamdyq Thı Hýong Ngýenmen sheberlik talastyrady.

Eske salaıyq, búgin Azııa chempıonatynda 9 qazaqstandyq boksshynyń jartylaı fınaldyq jekpe-jekteri ótetinin jazǵan bolatynbyz.

Nazym Qyzaıbaı Azııa chempıonatyn qola júldemen aıaqtady.

Jaına Shekerbekova fınalǵa shyqsa, Mádına Nurshaeva «qolany» qanaǵat tutty.

Qazaqstan qorjynyna taǵy bir qola medaldi Lázzat Kúngeıbaeva alyp keldi.

Ashyq kózderden alynǵan foto