Alýa Balqybekova álem chempıonatynda Qazaqstan qorjynyna úshinshi altyndy saldy

ASTANA. KAZINFORM — Anglııanyń Lıverpýl qalasynda World Boxing aıasynda ótip jatqan álem chempıonatynda Alýa Balqybekova (51 keli) altyn medal aldy.

Otandasymyz fınalda altyn júldeni túrkııalyq Býsenaz Chakyroglýmen sarapqa saldy. 
Alǵashqy eki raýndta Alýa jınaqy qımyldap, qarsylasyna kóbirek soqqy jumsady. Nátıjesinde Alýa Balqybekova álem chempıony atandy.

Alýa Balqybekova 1996 jyly dúnıege kelgen. Qazirge deıin álem chempıonatynda altyn, kúmis, qola medal alsa, eki márte Azııa chempıony ataǵyn jeńip aldy. 

Eske salsaq, budan buryn Mahmud Sabyrhan (55 keli) men Sanjar Tashkenbaı (50 keli) álem chempıony atansa, Nazym qyzaıbaı (48 keli) kúmis júldeger boldy.

Endi keshki sessııada Tórehan Sabyrhan (70 keli) jáne Aıbek Oralbaı (90 keli), Aıda Ábikeeva (65 keli) Natalıa Bogdanova (70 keli) altynǵa talasady. 

Dúbirli doda 4-14 qyrkúıek aralyǵynda Anglııanyń Lıverpýl qalasynda ótip jatyr. Jekpe-jekter «Qazaqstan» jáne «Qazsport» telearnalarynan tikeleı efırde kórsetildi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde baq synady. Al 12-13 qyrkúıekte jartylaı fınaldyq, 13-14 qyrkúıekte fınaldyq básekeler ótti.