Alýa Balqybekova álem chempıonaty jartylaı fınalyna shyqty

ASTANA. KAZINFORM - Qazaqstandyq boksshy Alýa Balqybekova (50 keli) áıelder arasyndaǵy álem chempıonaty jartylaı fınalyna shyqty.

Serbııanyń Nısh qalasynda ótip jatqan dúbirli dodada ol Aısen Tashkınmen qolǵap túıistirdi.
Endi ol Soltústik Koreıa sportyshysy Kým Anmen sheberlik baıqasady.

Alýa Balqybekova — el quramasyndaǵy tájirıbeli boksshynyń biri. Álem chempıonatynda 2022 jyly kúmis alsa, 2023 jyly qola júldeger atandy.

Sondaı-aq ol 2021, 2022 jyldarda Azııa chempıony atanǵan.

Endi el quramasynan Nazym Qyzaıbaı (48 keli), Jaına Shekerbekova (54 keli), Karına Ibragımova (57 keli), Vıktorııa Grafeeva (60 keli), Aıda Ábikeeva (63 keli), Jasmın Qızatova (66 keli), Natalıa Bogdanova (70 keli), Nadejda Rıabets (75 keli), Eldana Tálipova (81 keliden joǵary) synǵa túsedi.

Dúbirli dodaǵa 12 sportshy alyp barǵan Qazaqstan quramasynyń 10 sportshysy jarystyń atalǵan satysyna deıin jetti.