Altynshash Muqataeva «Icon Music Fest» festıvaliniń Gran-prı júldesin jeńip aldy
«E.Rahmadıev atyndaǵy memlekettik akademııalyq fılarmonııa klassıkalyq jáne estradalyq vokal bóliminiń ártisi Altynshash Muqataeva Sochı qalasynda (Reseı) ótken halyqaralyq «Icon Music Fest» festıvaline qatysty. Bes kún boıy ár elden shaqyrylǵan ónerpazdar tanymal oryndaýshylardan sheberlik sabaqtary men kontserttik baǵdarlamaǵa qatysqan edi. Álemniń túkpir-túkpirinen 100 ártis qatysqan án festıvalin 25 000 tyńdarman tamashalady. «Icon Music Fest» festıvalinde Altynshash Muqataeva Gran-prı júldesine ıe boldy», - dep atap ótti Mádenıet jáne sport mınıstrliginiń baspasóz qyzmetinen.
Altynshash qazaq jurtshylyǵyna tanymal ánshi. Arbaǵa tańylsa da múmkin emes eshteńeniń joqtyǵyn, armannyń kez kelgen shyńǵa jeteleı alatynyn taǵdyrymen dáleldep júr. Halyqaralyq baıqaýda top jarǵan ánshi búgin elimizge oralady.
