Altynshash Kóbjeterova: Vaktsına tıimdiliginiń dáleli - bul aımaqtaǵy ınfektsııanyń tómen kórsetkishi

KÓKShETAÝ. QazAqparat – Aqmola oblysynyń Egindikól aýdanynda osy jyldyń naýryz aıynda bastalǵan halyqty jappaı ımmýndaý jumystary aıaqtaldy. Egý naýqany bastalǵannan beri toǵyz egý pýnkti tartylyp, kóshpeli toptar belsendi jumys júrgizdi. Sanıtarlyq qyzmetterdiń jáne jergilikti ákimdik jumysynyń belsendiligi halyqty tolyq ımmýndaýǵa yqpal etti, dep habarlaıdy QazAqparat tilshisi oblystyq ishki saıasat basqarmysyna silteme jasap.

Birinshi bolyp medıtsına qyzmetkerleri, pedagogtar, quqyq qorǵaý organdarynyń qyzmetkerlerine ekpe salyndy. Sodan keıin vaktsınany memlekettik qyzmetkerler, aýyl sharýashylyǵy qurylymdarynyń qyzmetkerleri, kásipkerler men stýdentter aldy. Aýdan ákiminiń orynbasary Altynshash Kóbjeterovanyń aıtýynsha, aldymen halyqty uıymdastyrý jáne shaqyrý óte qıyn boldy.

«Men ózim aýyldarǵa baryp, árbir turǵynmen áńgimelesip otyrdym. Naqty mysaldarmen túsindirildi. Egindikólde otbasy shetelden kelip, aýyrǵanda, sondaı-aq, ózge eldi mekenderge baryp, jerleý rásimine qatysqan kezde indet taraǵan jaǵdaılar boldy. Vaktsınanyń tıimdiliginiń dáleli-bul aımaqtaǵy ınfektsııanyń tómen kórsetkishteriniń biri», - deıdi aýdan ákiminiń orynbasary.

Ol atap ótkendeı, vaktsınatsııalaý jalǵasýda. Ýaqytsha medıtsınalyq sebepteri bar nemese buryn aýyryp jazylǵandar óz erikterimen vaktsına alýda. Endigi arada dárigerlerdiń kúsh-jigeri aýrýdyń aldyn-alýǵa jáne jeke qaýipsizdiktiń qosymsha sharalaryna baǵyttalyp otyr.

Osy rette, oblystyń Qosshy qalasy, Jarqaıyń jáne Qorǵaljyn aýdandarynda vaktsınatsııa naýqany aıaqtalýǵa jaqyn.

Aıta keteıik, aqpan aıynan bastap oblysta 246 myńǵa jýyq adam vaktsınanyń birinshi komponentin alsa, 191 myńnan astam adamǵa ekinshi komponenti salyndy. Oblysta 133 egý pýnkti, sondaı-aq, 135 mobıldi brıgada jumys isteıdi.