Altynemelde sileýsin kúshikterimen birge kameraǵa túsip qaldy

ALMATY. QazAqparat- Altynemel ulttyq parkinde «Qyzyl kitapqa» engen Túrkistan sileýsini vıdeoǵa túsip qaldy, dep habarlaıdy QazAqparat tilshisi.

Onyń vıdeosy parktiń áleýmettik paraqshasynda jarııalandy.

Vıdeoda enesiniń artynan shamamen bir jastaǵy 3 sileýsin kúshiginiń erip júrgeni kórýge bolady.

«Bul sırek kezdesetin qubylys. Ádette sileýsin ekiden artyq kúshiktemeıdi. Al bul sileýsinde úsheý. Mundaı oqıǵa ulttyq saıabaqta sileýsin úshin qolaıly ómir súrý jaǵdaıy bar ekenin kórsetedi. Olardyń negizgi azyǵy – sibir taý eshkisiniń laǵy men jabaıy qabannyń balasy jáne sırek kezdesetin kekilikter», – delingen habarlamada.

«Altynemel» – Almaty oblysyndaǵy Іle ózeniniń alqabyndaǵy memlekettik ulttyq tabıǵı park.