Altynemel ulttyq parki keleshekte qalaı kórkeıedi
Mınıstrlik ókilderi AQSh, Eýropanyń tabıǵı parkteriniń damý tájirıbesin zerttegen.
«Sheteldik tájirıbeni eskere kele Almaty ulttyq parkteriniń, onyń ishinde Altynemel ulttyq parkiniń damý tujyrymdamasy jasaldy. Altynemel ulttyq parkinde ekologııalyq týrızmdi damytý tujyrymdamasy 4 qyrkúıekte qoǵamdyq talqyǵa shyǵarylǵan bolatyn. Bul joba boıynsha basty basymdyq soqpaqtar men jaıaý júrginshi joldaryn damytýǵa salynady», - deıdi vedomstvo QazAqparat saýalyna bergen jaýabynda.
Osy maqsatta ulttyq park ishinde 3 marshrýt jasalady. Bul marshrýttar josparlanǵanda jabaıy janýarlardyń ómir súrý arealy, kóship-qoný oryndary eskerilgen. ıAǵnı, olardyń jaıly ómir súrýine kedergi jasalmaıdy.
№2 marshrýt boıynsha Qapshaǵaı sý qoımasy jaǵalaýyna taman vızıt ortalyq salynady. Ol jerde týrıster ózderine qajetti týrıstik marshrýttardy tańdaı alady.
«Vızıt ortalyqta resepshn, kınozal, konferents-zal, aqparattyq stend, kitap jáne kádesyı dúńgirshegi, mýzeı (ekspozıtsııa) bolady. Qazir Altynemel ulttyq parkinde qoǵamdyq keńes jasaqtalyp jatyr. Oǵan kez kelgen adam kire alady. Qoǵamdyq keńes músheleri, qoǵam belsendileri, bıznes ókilderininiń qatysýymen tujyrymdama qurylyp, sonyń negizinde ınvestıtsııalyq jobalar qarastyrylatyn bolady. Vızıt ortalyq qurylysynyń bıýdjeti ınvestıtsııalyq usynystarǵa baılanysty bolmaq», - dedi mınıstrlikten.
Bul joba jekemenshik ınvestorlardyń qarajatyna jasalmaq.
Aıta keteıik, ótken jyly Altynemel parkine 18,9 myń týrıst kelgen.
Foto: e-history.kz
