«Altynemel» derekti fılmi Qytaıda júldege ıe boldy
Altynemel memlekettik ulttyq saıabaǵynyń baı tabıǵaty týraly baıandaıtyn derekti fılmniń avtory tanymal fotograf-natýralıst Oleg Belıalov.
Aıta ketsek, «Altynemel» derekti fılmi rejısserdiń alǵashqy jumysy. Sondaı-aq Oleg Belıalov bul kartınanyń stsenarıı avtory jáne qoıýshy operatory.
Esterińizge sala ketsek, byltyr qarasha aıynda «Qazaqfılm» kınostýdııasy QR Tuńǵysh Prezıdenti-Elbasy qorymen birlesip, Qazaq derekti kınosynyń kúnderi aıasynda «Altynemel» derekti fılmniń kórsetilimi ótken bolatyn.
Kıno jáne týrızm salasyndaǵy azııalyq óner aptalyǵynyń uıymdastyrýshylary: Qytaıdyń televızııalyq sýretshiler qaýymdastyǵy, Chjetszıan baspa, radıo, kıno jáne televızııa ákimshiligi jáne Taıchjoý úkimeti. Mádenı is-shara Azııa elderinde týrızmniń jáne kınematografııa salasynyń damýyna baǵyttalǵan. Bıyl atalǵan sharaǵa Frantsııa, Reseı, Qazaqstan jáne Japonııa syndy 23 memleketterden myńnan astam kıno jáne telebaǵdarlamalar qatysqan.
Altynemel - Jetisý Alataýynyń ońtústik silemderiniń arasynda ornalasqan ulttyq tabıǵı saıabaq. Jer kólemi - 520 myń gektar. Saıabaq aýmaǵynda týrısterdi qatty qyzyqtyratyn biregeı tabıǵı qurylymdar jáne baıyrǵy tarıh eskertkishteri ornalasqan. Shatqaldarynda ejelgi adamdardyń tasqa qashap salǵan sýretterin kórýge bolady. Qapshaǵaı memlekettik ańshylyq sharýashylyǵy negizinde 1996 jyly quryldy.
Aıta keterligi, Oleg Belıalov jastaıynan jabaıy tabıǵatty, qustardy túsirýge áýestene bastady. 1984-1987 jyldar aralyǵynda «Qazaqfılm» kınostýdııasynda operatordyń kómekshisi retinde jumys atqardy. Sondaı-aq kóptegen zoologııalyq ekspedıtsııalarǵa, Qazaqstan tabıǵaty týraly fılmderdiń jáne fotoalbomdardyń jasalýyna belsene qatysty.