Altynemel asýynda kóliktiń barlyq túrine jol jabyldy
ASTANA. QazAqparat - Respýblıkalyq mańyzy bar «Saryózek-Kóktal» avtojoly búkil kólikter úshin jabyldy, dep habarlaıdy QazAqparat.
«QazAvtoJol» ulttyq kompanııasynyń málimetinshe, búgin, 22 qarasha keshki 20.30-dan bastap «Saryózek-Kóktal» tasjolynyń 45-68 shaqyrym aralyǵynda kóliktiń barlyq túriniń qozǵalysyna tyıym salyndy.
Bul ýchaske - Altynemel asýynyń tusy.
Joldyń jabylýyna tolassyz jaýǵan qar, aqtútek boran, ekpini sekýndyna 20 metrge jetetin kúshti jel sebep boldy.
Joldyń atalǵan ýchaskesinde 6 arnaıy tehnıka kúrdeli jóndeý jumysyna jumyldyrylǵan.
Eske sala keteıik, munyń aldynda «Almaty - Óskemen» jolynda tirkemeli júk kólikteriniń qozǵalysyna tyıym salynǵan edi.
