Altyndaǵy salymdar jyl basynan beri 51 paıyzǵa ulǵaıdy - FOREX CLUB sarapshysy
; ALMATY. Qazannyń 20-sy. QazAqparat /Erlik Erjanuly/ - Altyn naryǵynda alypsatarlyq 25-ten 51 paıyzǵa deıin ósti.
Bul jaıly FOREX CLUB sarapshylarynyń búgin Almatyda ótkizgen baspasóz máslıhatynda aıtyldy.
"Qarjy naryǵy sońǵy ýaqytta turaqsyz. Bul qaýip týdyrýda. Sondyqtan kópshilik qaýym qarjysyn altynǵa salǵandy jón sanaıdy. Búkilálemdik altyn keńesiniń málimetine qaraǵanda, altyndaǵy salymdar jyl basynan beri qarjylyq jáne hedjırlik qorlar tarapynan 51 paıyzǵa deıin ulǵaıdy", - deıdi FOREX CLUB-tyń Qazaqstandaǵy sarapshysy Anatolıı Hegaı.
Onyń aıtýynsha, altyn naryǵynda alypsatarlyq qyzyǵýshylyq qana bar. Al óndiristik altyn ulǵaıǵan joq. Suranys alǵashqy toqsanda 127-den 3502 tonnaǵa deıin ósti. Boljam boıynsha AQSh-tyń Federaldy rezerv júıesiniń ekonomıkany yntalandyrý sharalaryna baılanysty altynǵa degen qyzyǵýshylyq tómendeıdi. Oıynshylar bul jaǵdaıdy paıdalanyp qalýǵa tyrysady. Bos qarjy altyn aktıvine jumsalady. Sondyqtan baǵa ósip, 2011 jyly altynnyń troıskalyq ýntsııasy 14501-1500 dollar bolady. Bul aǵymdaǵy deńgeıden 14,70 paıyzǵa joǵary. Al mamyr aıynyń aıaǵynda ol altynnyń troıskalyq ýntsııasynyń álemdik baǵasy 1450 dollardy quraıdy. Ol sáıkes kezeńnen 6 paıyzǵa artyq. Sondyqtan jeke tulǵalar naqty altyn emes, toptastyrylǵan metall esep-shottaryn paıdalanǵanda ǵana altyn salymdarynan paıda taba alady.
