Altynbek Sársenbaıulynyń ólimine Rahat Álıev tapsyrys bergen - QR Bas prokýratýrasy
ASTANA. 20 jeltoqsan. QazAqparat - Altynbek Sársenbaıulynyń ólimine Rahat Álıev tapsyrys bergen. Bul týraly búgin QR Bas prokýrorynyń orynbasary Andreı Kravchenko málim etti.
«2006 jylǵy 11 aqpanda Almaty qalasynda Altynbek Sársenbaıulynyń, Vasılıı Jýravlevtiń jáne Baýyrjan Baıbosynnyń urlanyp, óltirilýi oryn alǵan bolatyn.
Іshki ister organdarymen tergelý barysynda osy qylmysqa qatysty tulǵalar anyqtalǵan. Ol Rýstam Ibragımov jáne taǵy basqa 9 tulǵa. Deı turǵanymen, 2012 jylǵy 16 sáýirde túzeý mekemesinde jazasyn óteýdegi Ibragımov jasalǵan qylmystyń budan buryn quqyq qorǵaý jáne sot organdaryna belgili bolmaǵan mán-jaılar habarlanǵan aryzben Qazaqstan Respýblıkasynyń Joǵarǵy Sotyna júgindi.
Bul aryzda ol birinshi ret adam óltirýdi jasaǵanyn moıyndady, ony jasaý mán-jaılaryn egjeı-tegjeıli beınelep berdi, sondaı-aq Altynbek Sársenbaıulyn óltirýge tapsyrys berýshi shyn máninde Erjan Ótembaev emes, Rahat Álıev pen Álnur Musaev ekenderin kórsetti», - dedi A.Kravchenko brıfıng barysynda. .
Onyń aıtýynsha, joǵaryda keltirilgenge baılanysty, 2013 jylǵy 11 jeltoqsanda Bas prokýratýramen Qazaqstan Respýblıkasynyń Joǵarǵy Sotyna Altynbek Sársenbaıulyn, Vasılıı Jýravlevty jáne Baýyrjan Baıbosyndy óltirý jónindegi is boıynsha shyǵarylǵan úkimdi ishinara qaıta qaraý qajettigi týraly qorytyndy joldandy.
«2013 jylǵy 19 jeltoqsanda Qazaqstan Respýblıkasynyń Joǵarǵy Sotymen Rýstam Ibragımovtyń aryzyn qaraý nátıjesi boıynsha jáne jınaqtalǵan jańa materıaldar eskerilip, Erjan Ótembaevqa qatysty budan buryn qaýly etilgen úkim ishinara buzyldy.Qylmystyń ózge qatysýshylaryna qatysty úkimdi qaıta qaraý úshin negizder anyqtalmady, sebebi, tabylǵan jańa dáleldemeler olardyń áreketteriniń saralanýyna áser etpeıdi. Dál osy kúni, 19 jeltoqsanda Joǵarǵy Sot qylmystyq isti Almaty oblysynyń qylmystyq ister jónindegi mamandandyrylǵan aýdanaralyq sotyna jańadan sotta qaraýǵa jiberdi. Tıisti sot sheshimi qabyldanǵan jaǵdaıda Rahat Álıevke jáne Álnur Musaevqa qatysty tikeleı qylmystyq is qozǵalyp, AQSh-tyń Federaldyq Tergeý Bıýrosy qyzmetkerleriniń qatysýymen olardyń Altynbek Sársenbaıulynyń, Vasılıı Jýravlevtiń jáne Baýyrjan Baıbosynnyń óltirilýine qatystylyǵy mánine aldyn ala tergeý júrgiziletin bolady. Kórsetilgen quqyqtyq protsessterdiń nátıjeleri týraly qosymsha habarlanatyn bolady», - dep túıdi sózin ol.
Qazaqstan Respýblıkasy Joǵarǵy Sotynynyń tapsyrmasy boıynsha qosymsha alynǵan jaýaptardyń shynaılyǵy Bas prokýratýra, Ulttyq qaýipsizdik komıteti jáne Іshki ister mınıstrligi qyzmetkerlerinen arnaıy qurylǵan jedel-tergeý tobymen tekserildi.
Bul rette, Qazaqstan Respýblıkasy Bas prokýratýrasynyń ótinishi boıynsha tergeýge Amerıka Qurama Shtattarynyń Federaldyq Tergeý Bıýrosy tikeleı qatysty.
Tergeý nátıjelerimen jańadan ashylǵan mán-jaılar óz dálelin tapty.
2013 jylǵy tamyzda Rýstam Ibragımovtyń jáne birqatar túıindi kýálerdiń tıisti jaýaptary shaqyrylǵan AQSh-tyń Federaldyq Tergeý Bıýrosynyń polıgrafolog-mamandarymen shynaılyq mánine tekserilip, rastaldy.
