Altynbek Qorazbaev, Nurǵalı Núsipjanov, Esmuhan Obaev ordenmen marapattaldy
«Búgin Mádenıet jáne sport mınıstri Aqtoty Raıymqulova Qazaqstan Respýblıkasy Táýelsizdiginiń 30 jyldyǵy qarsańynda Qazaqstan Respýblıkasy Prezıdentiniń 2021 jyldyń 2 jeltoqsanyndaǵy № 700 Jarlyǵymen memlekettik jáne qoǵamdyq qyzmettegi sińirgen eńbegi, eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi úshin bir top azamatqa memlekettik nagradalardy tabystady. Іs-shara barysynda sóz alǵan Aqtoty Raıymqulova memlekettik nagradamen marapattalǵan qaıratkerlerdi quttyqtap, shyǵarmashylyq tabystar men aldaǵy jumystaryna sáttilik tiledi», - delingen atalǵan mınıstrlik taratqan aqparatta.
Sonymen І dárejeli «Barys» ordeni Muhtar Áýezov atyndaǵy Qazaq ulttyq drama teatrynyń keńesshisi Esmuhan Obaev pen Roza Baǵlanova atyndaǵy «Qazaqkontsert» memlekettik kontserttik uıymyń Almaty qalasyndaǵy fılıalynyń dırektory Altynbek Qorazbaıulyn tabystaldy. Al sport ardager Ámen Tuqovqa ІІ dárejeli «Barys» ordeni, ІІІ dárejeli «Barys» ordenimen Jambyl atyndaǵy Qazaq memlekettik fılarmonııasynyń ártisi Nurǵalı Núsipjanov pen Temirbek Júrgenov atyndaǵy Qazaq ulttyq óner akademııasynyń kórkemsýret kafedrasynyń professory Esken Sergebaev marapattaldy.
Munan bólek «Parasat» ordeni Muhtar Áýezov atyndaǵy Qazaq ulttyq drama teatrynyń ártisi Bolat Ábdilmanovqa, «SANALI Group» jaýapkershiligi shekteýli seriktestigi dırektorynyń orynbasary Baıken Áshirbaevqa, Aqan Seri atyndaǵy oblystyq fılarmonııasynyń kameralyq horynyń hormeısteri ıÝrıı Kolchınge, Sháken Aımanov atyndaǵy «Qazaqfılm» aktsıonerlik qoǵamynyń dybys rejısseri Qadyr Qosaıǵa, rejısser Amangeldi Tajbaevqa, mádenıettanýshy Abaı Tynybekovke tabystaldy. TÚRKSOI Bas hatshysy Dúısen Qaseıinov І dárejeli «Dostyq» ordenin ıelendi.
Al ІІ dárejeli «Dostyq» ordeni Maksım Gorkıı atyndaǵy memlekettik akademııalyq orys drama teatrynyń ártisi Ekaterına Maksım men germanııalyq ánshi Frıdrıh Pavelge berildi.
