Altynaı Jorabaevanyń Táýelsizdik kúnine arnalǵan «Qazaqstanym, alǵa» atty kontserti ótti

Astana qalalyq ákimdigi men QR Mádenıet jáne sport mınıstrliginiń qoldaýymen ótken án keshine Altynaıdyń ónerdegi áriptesteri Jubanysh Jeksenuly, Aıgúl Imanbaeva, Qaırat Nurtas, Sáken Maıǵazıev jáne inisi Talǵat Jorabaev qatysyp, óz ónerlerimen bólisti.

Otandyq estradamyzda ózindik erekshe daýsy bar ánshi qyzyn tyńdarmandary da qatty saǵynyp qalypty. Sebebi, Altynaı sońǵy ret 2004 jyly jeke kontsertin bergen eken. Arada 10 jyl ótkennen keıin búgin elimizdiń ulyq merekesi - Táýelsizdik kúni qarsańynda tyńdarmandarymen qaıta júzdesti. Altynaı búginde tek tanymal ánshi ǵana emes, tórt birdeı qyzdy ósirip otyrǵan aıaýly jar, kóp balaly ana ekenin de esten shyǵarmaýymyz kerek. Búgingi kontsertinde Altynaımen birge sahnada sol tórt qyzy da ortaǵa shyǵyp, óz ónerlerin kórsetti. Anasy quıqyljyta án salsa, súıikti qyzdary bıden shashý shashty.

Esterińizge sala keteıik, Altynaı Jorabaeva úlken sahnaǵa alǵash ret 1997 jyly shyǵyp, oblystyq «Araı» baıqaýynda júldeger, al respýblıkalyq «Jas qanat-97» baıqaýynda dıplomant atanǵan. Odan keıin de oryndaýshylyq sheberligin úzdiksiz ushtaý arqasynda 2001 jyly Almatydaǵy HІІ Halyqaralyq «Azııa daýsy» baıqaýynda, 2004 jyly Bolgarııanyń Varna qalasyndaǵy HІІ Halyqaralyq «Discovery» baıqaýynda, 2005 jyly Mysyrdyń Kaır qalasyndaǵy ІІ Halyqaralyq «Aleksandrııa» án baıqaýynda laýreat boldy. 2003 jyly Belorýssııada HІІ Halyqaralyq «Slavıan bazary» baıqaýynda dıplomant, 2004 jyly Latvııanyń ıÝrmala qalasynda V Halyqaralyq «ıAntar juldyzy» baıqaýynda bas júlde (Gran-Prı) jáne 2005 jyly AQSh-taǵy Gollıvýdta ótken oryndaýshylyq sheberliktiń álem chempıonatynda eki altyn, eki kúmis medaldy ıelendi. Sondaı-aq 2004 jyly «Daryn» memlekettik jastar syılyǵynyń laýreaty, 2006 jyly Qazaqstan Respýblıkasynyń Eńbek sińirgen qaıratkeri, 2008 jyly Qazyǵurt aýdanynyń qurmetti azamaty ataǵyna qol jetkizdi. Altynaı Jorabaevanyń alǵashqy aýdıo albomy 2002 jyly «Armanyma ǵashyqpyn» degen atpen shyqqan bolatyn. Al «Ómir- ózen» atty alǵashqy jeke kontserti 2004 jyly «Qazyǵurt» óner ortalyǵynyń uıymdastyrýymen Almatydaǵy Respýblıka saraıynda ótti. «Júrshi, sáýlem, aýylǵa», «Elimniń júregi -Astana» degen úntaspa albomdary men «Ómir-ózen» atty beınetaspa albomy jaryqqa shyqty. Qazirgi tańda Altynaı 4 qyzdy tárbıelep otyrǵan aıaýly ana, asyl jar.

Kúnsultan Otarbaı