Altynaı Jorabaeva inisine temir tulpar mingizdi
ASTANA. QazAqparat - Qazaq estradasynyń juldyzy Altynaı Jorabaeva inisi Talǵatqa temir tulpar syıǵa tartty, dep habarlaıdy QazAqparat.
Altynaı Jorabaevanyń temir tulpardy tartý etken sáti beınelengen vıdeony Talǵat Jorabaev óziniń feısbýktegi paraqshasynda júktedi.
«Baýyrym Talǵat Jorabaev únemi mashınasy buzylyp júredi. Odan keıin 6-shy tamyzda týǵan kúni boldy. Sol kezde syılyǵyn bermeı «laqtyryp» kettim. Qýanyshty bir sáttiń oraıy kelse dep júr edim. Mine, Táýelsizdigimizdiń 25 jyldyq mereıtoıy bolaıyn dep jatyr. Soǵan oraı myna bir kólikti syılaıyn dep sheshtim», - dedi ánshi.
Osydan keıin Altynaı inisin Almatydaǵy qonaq úılerdiń biriniń aýlasyna aldap shaqyryp, Toıota kóliginiń kiltin tabys etti.
