«Altynaı» respýblıkalyq bı baıqaýynyń jeńimpazdary anyqtaldy
Qazaqstan Táýelsizdiginiń 30 jyldyǵy, qoǵam qaıratkeri, etnograf-ǵalym Ózbekáli Jánibekovtyń 90 jáne «Altynaı» MHB ansambliniń 35 jyldyǵyna arnalǵan I respýblıkalyq «Altynaı» bı baıqaýynyń qorytyndy kontserti ótti. Shara barysynda jeńimpazdar marapattaldy.
Bas júldeni Almaty oblystyq «Altynaı» memlekettik halyq bı ansambli qanjyǵasyna baılady.
Al І-oryndy Nur-Sultan qalasynyń «Naz» memlekettik bı ansambli jáne Qyzylorda oblysynyń «Tomırıs» bı ansambli jeńip aldy.
ІІ-oryndy Almaty oblysynyń «Qulansaz» folklorly-etnografııalyq ansambli jáne Aqtóbe oblysy «Aqqý» bı ansambli ıelendi.
ІІІ-oryn Almaty oblysynyń «Taldyqorǵan áýenderi» folklorly-etnografııalyq án-bı ansambli men Jambyl oblysy «Aqkerbez» bı ujymyna buıyrdy.
Sonymen qatar «Eń úzdik er adam obrazy» úshin«NAZ» memlekettik bı teatrynyń balet artısi Ashat Maden arnaıy júldemen marapattaldy. Al «Eń úzdik áıel adam obrazy» úshin Ǵazıza Jubanova atyndaǵy Aqtóbe oblystyq fılarmonııasynyń «Aqqý» bı ansambliniń balet artısi Dana Jasjanova, «ÚMІT» syılyǵy dıplomymen Qazaqstan Respýblıkasy Qarýly Kúshter Ulttyq áskerı – patrıottyq ortalyǵy fılıalynyń estradalyq bı toby;
«Bıdiń ulttyq qundylyǵyn saqtap, damytqany úshin» dıplomymen Shyǵys Qazaqstan oblysy «Ertis» kontserttik birlestiginiń «Altaı» bı ansambli, sonymen birge «Bı álem» Jetisý horeografııa ortalyǵynyń arnaıy syılyǵymen Qalı Baıjanov atyndaǵy Qaraǵandy oblystyq kontserttik birlestiginiń «Aqqý» bı ansambli marapattaldy.