«Altyn júrek» syılyǵyna úmitkerler anyqtaldy

ALMATY. QazAqparat - Búgin Qoǵamdyq keńes qupııa daýys berý arqyly «Altyn júrek» syılyǵyna bıylǵy úmitkerlerdiń atyn iriktep aldy, dep habarlaıdy QazAqparat tilshisi.

11 atalymnyń árqaısysynda úsh úmitkerden saıysqa túsedi.

27 qazanda «Altyn júrek» syılyǵynyń jeńimpazdarynyń aty belgili bolady.

 «Men azamattardyń is-áreketin ǵana emes, olardyń múmkindigin de baǵaladym. Osy eki komponent qatar qoıylǵanda tańdaý jasaý ońaı bola túsedi. Men úshin úmitkerdiń qaıyrymdylyqqa qansha aqsha jumsaǵany mańyzdy emes, ol adam jetim-jesirge qolushyn bere ala ma? Sol mańyzdy», - dedi qazylar alqasynyń múshesi Adel Orazalınova.

Bıyl «Altyn júrek» syılyǵyna 455 adam ótinish bildirgen. Bul rekordty kórsetkish. Onyń ishinde 100 adam qatardaǵy qarapaıym adamdar.

«Altyn júrek adamdardy odan da meıirlendirip, tazarta túsedi. Men tańdaý kezinde olardyń qansha mıllıon salǵanyna mán bermedim. Eń bastysy, júrekten shyqsa boldy», - dedi Nurtas Adambaı.

Altyn júrek syılyǵy bıyl 11-ret ótkizilip otyr. Bul Qazaqstandaǵy qaıyrymdylyq jasaǵan adamdardy marapattaýǵa arnalǵan jalǵyz baıqaý.