Altyn júlde ákele jatyrmyz - «Spartanyń» kapıtany
ASTANA. QazAqparat - «Sparta Nomad» komandasynyń kapıtany Danııar Jumadilov KVN-2017 oıyndary Joǵary lıgasynda jeńiske jetkennen keıin qazaqstandyqtarǵa úndeý jasady, dep habarlaıdy «QazAqparat» HAA.
«Bizdiń komandaǵa senim artqan jandarǵa alǵysymyz sheksiz. Jankúıerlerimizdi mańyzdy jeńispen quttyqtaǵym keledi. Qazaqstan Respýblıkasynyń Táýelsizdigi kúni «Sparta Nomad-Astana» KVN oıyndarynyń Joǵary lıgasynda «altyn» jeńip aldy», - dedi ol Instagramda jarııalaǵan vıdeoúndeýinde.
«Sizder bizge sendińizder! Rahmet! Elimizdi merekemen quttyqtaı otyryp, altyn alyp bara jatyrmyz!», - dep jazdy ol vıdeonyń astyna.
Eske salaıyq, 15 jeltoqsanda Máskeýde KVN-2017 oıyndary Joǵary lıgasy ótip, onda «Sparta Nomad» (Astana) komandasy 17,2 upaımen birinshi oryn ıelendi. Aıta keteıik, qazaqstandyq KVN komandasy Joǵary lıgada alǵash ret top jaryp otyr.
