Altyn jahandyq daǵdarystan qutqara alady – The Economist
ASTANA. QazAqparat - The Economist basylymy jahandyq ekonomıkalyq daǵdaryspen kúresý úshin altyn aktıvterin arttyrý kerektigin jazady.
«Kóz aldyńyzǵa ekonomıkanyń qurdymǵa ketip bara jatqanyn elestetip kórińiz. Adamdar baıbalam salyp, aktıvterin jappaı sata bastady. Mundaı jaǵdaıda ne isteý kerek?», - dep bastaıdy avtor maqalasyn.
Avtordyń paıymynsha, altyn ınflıatsııadan qorǵanýdyń eń tıimdi joly sanalady.
«Alternatıva retinde kóbi eýro men dollar altyndy almastyrady dep sanaıdy. Mysaly, eýronyń óz kemshilikteri bar. Al dollar she? Dollar jahandyq valıýta sanalady. 2008 jylǵy daǵdarys kezinde dollar baǵamy ósti. Jahandyq deńgeıde kópshiligi nesıeni dollarmen alýǵa qumar bolsa, daǵdarys kezinde kerisinshe dollardan qasha bastady, tipti, dollardan bas tartýǵa kiriskender de bar. Sol sebepti altynnyń orny bólek jáne onyń mańyzy qaıtadan arta tústi», -dep jazady basylym.
