Altyn úlesiniń kóptigi ózin ózi aqtaıdy – Ulttyq bank

ALMATY. QazAqparat – QR Ulttyq banki tóraǵasynyń orynbasary Álııa Moldabekova altyn qunynyń altyn valıýtalyq rezervke qalaı yqpal etetinin túsindirdi, dep habarlaıdy QazAqparat tilshisi.

Ótken aıda altyn baǵasy 73 dollarǵa nemese 3,7%-ǵa kemidi, bul altyn valıýta rezervteri kóleminiń tómendeýine áser etti.

«Qyrkúıekte rezervter 35,4 dollardan 33,8-ge deıin qysqardy. Altyn portfeli shamamen 800 mln dollarǵa azaıdy. Rezervter tómendeýine basqa da faktorlar yqpal etti. Ekinshi deńgeıli bankterdiń Ulttyq banktegi shottarynda ustaıtyn qarajatynyń 450 mln dollarǵa azaıýy, 232 mln dollarǵa ınterventsııa júrgizý, sondaı-aq 100 mln dollar syrtqy boryshty tóleý áser etti», - dedi Álııa Moldabekova.

Altyn valıýta rezervteriniń 2/3-si altynnyń enshisinde.

«Aǵymdaǵy naryqtyq jaǵdaılarda, portfelde altynnyń joǵary úlesi ózin aqtaıdy jáne rezervterdiń saqtalýyn qamtamasyz etedi dep esepteımiz», - dedi spıker.