«Altyn úki - 2014» halyqaralyq jarysyna onǵa jýyq eldiń surmergenderi qatysady

ASTANA. QazAqparat - 2014 jylǵy 14-18 shilde aralyǵynda Qaraǵandy oblysyndaǵy «Spassk» oqý-jattyǵý ortalyǵynda Arnaıy maqsattaǵy bólimsheler arasyndaǵy «Altyn úki - 2014» mergender jubynyń halyqaralyq jarysy ótedi. Bul týraly Qorǵanys mınıstrliginiń baspasóz qyzmetinen habarlandy.

QR Qorǵanys mınıstrligi dástúrlshi túrde jyl saıyn ótkizetin bul sharaǵa bıyl Ulybrıtanııanyń, Úndistannyń, Iordanııanyń, Qazaqstannyń, Qytaıdyń, Pákistannyń, Reseıdiń, AQSh-tyń jáne Túrkııanyń mergender juby qatysady dep josparlanyp otyr.

«4 kezeńnen turatyn jarys barysynda «Kedergi jolaǵy», «Jyljý arqyly atys», «Maıatnık», «Blok post», «Mergender jubynyń dýeli» jáne basqa jattyǵýlar boıynsha úzdikter anyqtalatyn bolady», - delingen baspasóz baıanynda.