«Altyn tulpar» alamanynda at synshylary men at taǵalaýshylar saıysy qosa uıymdastyrylmaq
ASTANA. QazAqparat - 6 qyrkúıek kúni Astana qalasynyń mańynda ornalasqan Qabanbaı aýyly aýmaǵynda 51 shaqyrymdyq «Altyn tulpar» alaman báıgesi ótedi. Atalmysh bəıge tek júırikter saıysy ǵana emes, júırikti tap basyp tanıtyn at synshylarynyń jáne at taǵalaýshy sheberlerdiń de saıysy qosa uıymdastyrylmaq, dep habarlaıdy kazaitys.kz.
QR Ulttyq sport túrleri qaýymdastyǵynyń vıtse-prezıdenti Erlen Ospanovtyń aıtýynsha, júırikterdiń erkin tynys ashýyna múmkindik berý úshin «Altyn tulpardyń» jarys qashyqtyǵy 51 shaqyrymǵa uzartylǵan. Báıgege 14 oblys pen Astana jáne Almaty qalalarynyń árqaısysynan 10 sáıgúlikten, keminde 160 tulpar qatysady dep kútilýde. Jarysqa sáıgúlikterdiń barlyq tuqym-túrleri qatystyrylady.
Bıylǵy«Altyn tulpar» alaman báıgesiniń júlde qory 23 mln. teńgeni qurasa, bas júlde - 10 mln. teńge. Sondaı-aq márege alǵashqy jetken 9 tulparǵa qazaqtyń epostyq jyrlarynda aty ańyzǵa aınalǵan dúldúlder: Qulager, Baıshubar, Qýbas, Qaraqasqa, Aqtaban, Bozaýyz, Taıbýryl, Kókbýryl, Shalqasqa, Tarlan atty tulparlar nomınatsııasy boıynsha dıplom jáne qarjylaı syılyqtar berý josparlanýda.
Jarys ár aınalymy 12,5 shaqyrymdy quraıtyn 4 sheńbermen ótedi. Sheńber boıyna árbir 2 shaqyrym saıyn bir-birden 7 baqylaý beketi ornalasady. Beketterde telekameralar men tóreshiler, adam jáne mal dárigerleri, tártip saqshylary turady. Tóreshiler kóldeneńnen at qosylyp ketpeýin baqylaıtyn bolsa, telekameralar báıge barysyn halyqqa tikeleı kórsetedi. Buldardan basqa, 2 tikushaq jarys barysyn bıikten baqylap kameraǵa túsiredi. Kórermender men at ıeleri óz tulparlarynyń qaı tusta shaýyp bara jatqandyǵyn LED ekrannan baqylaýǵa múmkindik qarastyrylǵan.
