«Altyn tuǵyr» nomınatsııasy jyl úzdikterine tapsyrylady
ASTANA. 25 jeltoqsan. QazAqparat - QR Ulttyq sport túrleri qaýymdastyǵy aǵymdaǵy jyldyń 26 jeltoqsanynda Ulttyq sporttyń bıylǵy jylǵy jetistikteri men kelesi jylǵy keleli isteri qandaı bolmaqtyǵy jaıly jıyn ótkizýdi jáne «Altyn tuǵyr» nomınatsııasyn jyl úzdikterine tapsyrýdy josparlap otyr, dep habarlaıdy qaýymdastyqtyń baspasóz qyzmetinen.
«Qazaqstan - 2050 strategııasy qalyptasqan el» Baǵdaralmasy men «EKSPO-2017» halyqaralyq kórmesiniń elimizde ótýine baılanysty memleketimizdiń aldyna jańa mindetter qoıyldy. Osy tarıhı mańyzdy sharalardy júzege asyrýda QR USTQ aldyna aýqymdy mindetter qoıylyp otyr. Atap aıtqanda: «Qazaqstan-2050» Baǵdarlamasyn júzege asyrý, «EKSPO -2017» halyqaralyq kórmesin joǵary deńgeıde ótkizý úshin Ulttyq sportymyzdy jańa sapalyq deńgeıge kóterý mindeti qoıylyp otyr.
Osy rette elimizge tanymal Ulttyq sporttyń janashyrlary, óńirlerdegi ulttyq sport mektepteriniń, klýbtarynyń dırektorlary men oblys ákimderiniń orynbasarlary, oblystyq ulttyq sport basqarmalarynyń basshylary qatysatyn bul jıynda QR Ulttyq sport túrleri qaýymdastyǵynyń Prezıdenti Qaırat Satybaldyuly arnaıy baıandama jasaıdy.
Jıyn barysynda qatysýshylar pikirin talqylaı kele, aldaǵy ýaqytta atqarylýǵa tıis sharalardyń basyn biriktirip, qaýly qabyldaıdy dep kútilýde.
Sonymen birge, «Altyn tuǵyr» nomınatsııasy jyl úzdikterine tapsyrylmaq. «Altyn tuǵyr» ulttyq sport túrleri boıynsha úzdik qyrynan tanylǵan sportshylarǵa, jattyqtyrýshylarǵa jáne jýrnalıster men qoǵamnyń belsendi múshelerine beriledi.
Sonymen qatar, Ulttyq sport túrleri qaýymdastyǵynyń arnaıy «Elimjan» tósbelgisiniń ıeleri de osy keshte anyqtalatyn bolady. Ulttyq sporttyń úzdikteri men Ulttyq sportqa janashyrlyq tanytyp, qoldap qýattap, nasıhattap júrgen jandardyń kim ekenin osy keshte biletin bolamyz. .
Sharany uıymdastyrýshylar: Qazaqstan Ulttyq sport túrleri qaýymdastyǵy, QR Sport dene shynyqtyrý isteri agenttigi, «Nur Otan» partııasy.
