«Altyn sóz» respýblıkalyq saıysy: qazaq tilin meńgerý múmkindikteri týraly eń úzdik maqalalar úshin - altyn quıma men 1 mln. teńge
ASTANA. 9 sáýir. QazAqparat - «Arnaý» til mádenıetin damytý ortalyǵy Qazaqstan Medıa alıansynyń aqparattyq qoldaýymen qazaqstandyq BAQ-tar men blogerleri arasynda memlekettik tildi meńgerýdiń úlgileri men ınnovatsııalyq ádisteri jaıyndaǵy eń úzdik jarııalanymdarǵa alǵashqy jyl saıynǵy saıys jarııalaıdy.
Uıymdastyrýshylar táýelsiz sarapshylardyń qazaq tilin úırenýshiler arasynda ótkizgen zertteýiniń nátıjesin negiz retinde ala otyryp, bilim berý mekemelerinen basqa, memlekettik tildi damytýǵa buqaralyq aqparat quraldary asa zor úlesin qosatyndyǵy týraly pikirdi 79% respondent bildirgenin atap aıtady. Zertteýge qatysýshylar, sonymen birge, til úırený úrdisinde qoǵamdyq ınstıtýttar (shamamen 51%) men bıznestiń (shamamen 63%) de mańyzdy ekenin aıtqan.
«Arnaý» til mádenıetin damytý ortalyǵy bul saıysty jýrnalıster men blogerlerdi qazaq tili men ony meńgerýdiń nátıjeli ádisterin Qazaqstan halqyna túsindirýge ýájdeý maqsatynda uıymdastyryp otyr.
Uıymdastyrýshylar BAQ pen Internette bul másele jaıynda aqparat taratý men oqyrmandardy qazaq tilin úırenýdegi jańa, ınnovatsııalyq ádisterimen tanystyrýdyń belsendirilýin kútedi.
«Arnaý» ortalyǵynyń bas dırektory Dana Jaqypovanyń aıtýynsha, BAQ til men ony meńgerý formalaryna degen jaǵymdy jáne konstrýktıvti kózqaras qalyptastyrýda negizgi ról atqarady. «Memlekettik, orys jáne aǵylshyn tilderin jetik biletin tabysty qazaqstandyq azamat modelin alǵa bastyrý kerek», deıdi ol.
Saıystyń jalpy júldelik qory 1 000 000 teńgeni quraıdy. Bas júlde - altyn quıma (50 gramm).
Ár janrdaǵy úzdik jarııalanym úshin júlde 50 000 teńge men 100 000 teńge arasyndaǵy somany quraıdy. Júldelerdiń mólsheri men sanyn quramyna mass-medıa men lıngvıstıka salasyndaǵy bedeldi sarapshylar engen saıystyń Qazylar alqasy belgileıdi.
Bas demeýshi - «Altyntau Resources» AQ.
Qazylar alqasynyń quramy:
Murat Ábenov - Qazaqstan Respýblıkasy Parlamenti Májilisiniń depýtaty
Nuraı Orazov - «Nur Medıa» medıa-holdınginiń bas dırektorynyń birinshi orynbasary
Janarbek Áshimjan - «Qalamger-Medıa» dırektory, Qazaqstan Jazýshylar Odaǵynyń hatshysy
Vıacheslav Paşenko - «Interfaks-Qazaqstan» Aqparattyq Agenttiginiń bas redaktory
Álııa Quryshjanova - f.ǵ.k., Ál-Farabı atyndaǵy Qazaq Ulttyq ýnıversıtetiniń ǴZI lıngvo-ádistemelik sektorynyń meńgerýshisi, oqytýshy, zertteýshi, qazaq tilin meńgerý boıynsha bilim berý baǵdarlamalaryn jasaýshy
Ádil Jálelov - Qazaqstan Medıa Alıansynyń tóraǵasy
Saıys jumystary tómendegideı taqyryptardy qamtýy qajet:
- Qazaq tilin meńgerýdegi jańa qyzyqty ádister;
- Qazaq tilin úırenýdiń tabysty úlgisi;
- Áıgili adamdar - qazaq tilin úıretýge zor úlesin qosqan oqytýshylar, jattyqtyrýshylar;
- Tabysty úlgiler - qazaq tilin jetik meńgerip alǵan adamdar;
- Úzdik tájirıbeler men noý-haý - qazaq tilin tek úırený emes, sonymen birge, tájirıbede qoldaný týraly.
Konkýrstyń janrlyq baǵyttary:
- Maqala
- Vıdeosıýjet
- Fotoreportaj
- Blogtardaǵy jazbalar
- Infografıka
Nomınatsııalar:
- Baspasózdegi úzdik maqala
- On-line BAQ-taǵy úzdik maqala
- Úzdik blogjazba
- Úzdik vıjeosıýjet
- Úzdik fotoreportaj
Nomınatsııalardan basqa, júldelik qor Qazaqstannyń isker tulǵalary atynan tabystalatyn Ataýly premııalarmen tolyqtyrylǵan.
Saıysqa qazaq jáne orys tilderinde 2012 jyldyń 1 naýryzy men 2012 jyldyń 1 qarashasy aralyǵynda jarııalanǵan nemese efırge shyqqan jumystar qabyldanady.
Saıystyń aqparattyq qoldaýy - sozdik.kz Internet sózdigi.
«Altyn Sóz» saıysynyń sharttary jaıynda myna silteme arqyly tolyǵyraq bile alasyzdar.
Qosymsha aqparat alý úshin baılanys:
Arnur Mamytbekov, «Arnaý» til mádenıetin damytý ortalyǵynyń baspasóz qyzmetiniń basshysy, +7 /727/ 321 09 55, 321 09 53, +7 /777/ 360 36 61, arnur @ arnau . kz .
