Altyn shahtasynda 25 adam úıindi astynda qaldy
ASTANA. QazAqparat - Ortalyq Afrıka Respýblıkasynyń ońtústigindegi Ýaka prefektýrasynda altyn óndiretin shahta qulap, 25 adam úıindi astynda qaldy. Taǵy eki adam izdestirilýde, dep habarlaıdy Rosbalt.
Oqıǵa Bambarı qalasynan 60 shaqyrym jerde Ndassıma shahtasynda oryn alǵan. Buryn ol kanadalyq «Axmin» kompanııasyna tıesili bolǵan, alaıda jyldan astam ýaqyt buryn «Seleka» tobynyń jaýyngerlerimen basyp alynǵan. Aıta keteıik, OAR-da «Seleka» tobynyń jaýyngerleri «Antı-balaka» tobynyń kóterilisshilerimen shabýyldasýda. Eldegi jaǵdaı 2013 jyldyń jeltoqsanynan beri órshı tústi. BUU málimetterine súıensek, kıkiljiń saldarynan osy ýaqytqa deıin myńdaǵan adamdar qaza taýyp, mıllıondaǵan turǵyndar bosyp ketken.
