«Altyn sapa» jáne «Paryz» syılyqtary ıegerlerin marapattaý rásimi ótip jatyr
ASTANA. QazAqparat – QR Prezıdentiniń «Altyn sapa» jáne «Paryz» syılyqtarynyń ıegerlerin marapattaý ótip jatyr, dep habarlaıdy QazAqparat tilshisi.
Saltanatty shara aıasynda úzdik dep tanylǵandarǵa «Qazaqstannyń úzdik taýary», «Qazaqstan Project Management Awards -2022», «TMD boıynsha sapa salasyndaǵy 2021 jyldyń syılyǵy» sııaqty kásipkerlik baǵyttaǵy marapattar da tabystalady.
Sondaı-aq «ArýAna», «Bıznes Kemeldilik», «Іsker», «Uly dala eli» syılyqtarynyń jeńimpazdary da marapattalady.
Eske salsaq, byltyr QR Prezıdenti Qasym-Jomart Toqaev «Altyn sapa» konkýrsynyń talaptaryn Eýropalyq sapany basqarý qorynyń modeline sáıkestendirýdi usynǵan bolatyn.
«Memleket pen bıznestiń mindeti – elde óndiriletin taýarlardyń básekege qabilettiligin birlesip arttyrý, zamanaýı sapa júıesin engizý. Kásiporyndardaǵy bıznes-protsesterdiń dıagnostıkasy osy saladaǵy jahandyq úrdisterge sáıkes kelýi kerek. Áńgime, eń aldymen, Indýstrııa 4.0 elementterin tsıfrlandyrý jáne paıdalaný týraly bolyp otyr. Osyǵan baılanysty «Altyn sapa» konkýrsynyń talaptaryn kezeń-kezeńimen Eýropalyq sapany basqarý qorynyń jańa modeline sáıkes keltirý qajet. Biz úzdik halyqaralyq úlgiler men tájirıbelerge saı bolýymyz kerek», - degen Memleket basshysy.
