«Altyn sapa» syılyǵyn alýǵa arnalǵan konkýrs týraly Jarlyqqa ózgerister engizildi

*** «Qazaqstan Respýblıkasy Prezıdentiniń «Altyn sapa» syılyǵyn alýǵa arnalǵan konkýrs jáne «Qazaqstannyń úzdik taýary» respýblıkalyq kórme-konkýrsy týraly» Qazaqstan Respýblıkasy Prezıdentiniń 2006 jylǵy 9 qazandaǵy № 194 Jarlyǵyna ózgerister men tolyqtyrý engizý týraly

QAÝLY ETEMІN: 1. «Qazaqstan Respýblıkasy Prezıdentiniń «Altyn sapa» syılyǵyn alýǵa arnalǵan konkýrs jáne «Qazaqstannyń úzdik taýary» respýblıkalyq kórme-konkýrsy týraly» Qazaqstan Respýblıkasy Prezıdentiniń 2006 jylǵy 9 qazandaǵy № 194 Jarlyǵyna (Qazaqstan Respýblıkasynyń PÚAJ-y, 2006 j., № 38, 418-qujat; 2007 j., № 24, 267-qujat; № 42, 476-qujat; 2008 j., № 42, 464-qujat; 2009 j., № 33, 307-qujat; 2010 j., № 39, 335-qujat; 2012 j., № 10, 189-qujat; № 36, 476-qujat; 2013 j., № 22, 351-qujat) mynadaı ózgerister men tolyqtyrý engizilsin: joǵaryda atalǵan Jarlyqpen qurylǵan Qazaqstan Respýblıkasy Prezıdentiniń «Altyn sapa» syılyǵynyń laýreaty ataǵyn jáne «Qazaqstannyń úzdik taýary» respýblıkalyq kórme-konkýrsynyń dıplomanty ataǵyn berý jónindegi komıssııanyń quramynda: «Qazaqstan Respýblıkasynyń Mádenıet jáne aqparat mınıstri» degen jol mynadaı redaktsııada jazylsyn: «Qazaqstan Respýblıkasynyń Mádenıet mınıstri»; «Qazaqstan Respýblıkasy Óńirlik damý mınıstri» degen joldan keıin mynadaı mazmundaǵy jolmen tolyqtyrylsyn: «Qazaqstan Respýblıkasy Aqparat jáne baılanys agenttiginiń tóraǵasy»; «Atameken» Odaǵy» Qazaqstan ulttyq ekonomıkalyq palatasy» zańdy tulǵalar birlestigi basqarmasynyń tóraǵasy (kelisim boıynsha)» degen jol mynadaı redaktsııada jazylsyn: «Qazaqstan Respýblıkasynyń Ulttyq kásipkerler palatasy basqarmasynyń tóraǵasy (kelisim boıynsha)»; joǵaryda atalǵan Jarlyqpen bekitilgen Qazaqstan Respýblıkasy Prezıdentiniń «Altyn sapa» syılyǵyn alýǵa arnalǵan konkýrs ótkizý jáne laýreat ataǵyn berý erejelerinde: 2-tarmaqtyń birinshi bóligi mynadaı redaktsııada jazylsyn: «2. Qazaqstan Respýblıkasy Prezıdentiniń «Altyn sapa» syılyǵynyń laýreaty ataǵyn jáne «Qazaqstannyń úzdik taýary» respýblıkalyq kórme-konkýrsynyń dıplomanty ataǵyn berý jónindegi komıssııa (budan ári - Komıssııa) osy Erejelerdiń 5-tarmaǵynda kózdelgen úsh nomınatsııadaǵy úsh sanat boıynsha jyl saıyn syılyqtar beredi.»; 4-tarmaq mynadaı redaktsııada jazylsyn: «4. Syılyq alýǵa, memlekettiń qatysý úlesi 50%-dan asatyn uıymdardy, sondaı-aq ózderine qatysty belgilengen tártippen ońaltý jáne bankrottyq týraly Qazaqstan Respýblıkasynyń zańnamasynda kózdelgen rásimderdi júzege asyrý týraly sheshimder qabyldanǵan uıymdardy qospaǵanda, Qazaqstan Respýblıkasynyń aýmaǵynda taýarlar óndirýmen (qarý-jaraq pen áskerı tehnıka óndirýdi qospaǵanda), qyzmetter kórsetýmen aınalysatyn dara kásipkerler men zańdy tulǵalar (budan ári - konkýrsqa qatysýshylar) úmitker bola alady.». 5-tarmaqtyń úshinshi jáne tórtinshi bólikteri mynadaı redaktsııada jazylsyn: «Ár nomınatsııa boıynsha mynadaı: 1) shaǵyn kásipkerlik sýbektisi; 2) orta kásipkerlik sýbektisi; 3) iri kásipkerlik sýbektisi sanattary boıynsha úsh syılyq beriledi. Konkýrstar nomınatsııasynda, árbir nomınatsııada ekeýden aspaıtyn syılyq laýreattarynyń qosymsha ataqtary taǵaıyndalýy múmkin.»; 7 jáne 15 tarmaqtar mynadaı redaktsııada jazylsyn: «7. Syılyqty alýǵa ony belgili bir nomınatsııada alǵannan keıin tórt jyl ishinde oǵan qaıta usynýǵa jol berilmeıdi.»; «15. Syılyq laýreaty ataǵyna ıe bolǵan konkýrsqa qatysýshylar syılyq berilgennen keıin tórt jyl ishinde syılyq emblemasyn jarnamalyq maqsatta paıdalaný quqyǵyna ıe bolady.»; joǵaryda atalǵan Jarlyqpen bekitilgen «Qazaqstannyń úzdik taýary» respýblıkalyq kórme-konkýrsyn ótkizý jáne dıplomant ataǵyn berý erejelerinde: 11-tarmaq mynadaı redaktsııada jazylsyn; «11. Konkýrs dıplomanttary konkýrstyń emblemasyn jarnamalyq maqsatta tórt jyl boıy paıdalaný quqyǵyna ıe bolady.». 2. Osy Jarlyq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Prezıdenti N.Nazarbaev

Astana, Aqorda, 2014 jylǵy 23 mamyr № 820