«Altyn samgay-2021»: Elordada paralımpıada sportynyń úzdikteri anyqtaldy
NUR-SULTAN. QazAqparat - El astanasynda jyl saıynǵy saltanatty dástúr máresine jetti.
Altyn Samǵaý-2021 Ulttyq sporttyq júldesinde Paralımpıadalyq sport túrlerindegi úzdik sportshy men úzdik jattyqtyrýshy anyqtaldy dep habarlaıdy Olympic.kz.
Aıta ketelik, bul atalymdaǵy úzdikterdi Qazaqstannyń Ulttyq Paralımpıadalyq komıteti anyqtaǵan bolatyn.
«Paralımpıadalyq sport túrleri boıynsha úzdik sportshy» ataǵy Davıd Degtıarovqa berildi.
Bıyl Davıd Tokıo-2020 Paralımpıada oıyndarynda jeńiske jetip, Grýzııada ótken álem birinshiliginde chempıon atandy.
«Paralımpıadalyq sport túrlerindegi úzdik jattyqtyrýshy» ataǵyna paradzıýdodan Qazaqstan komandasynyń bas bapkeri Jandos Qııanov laıyq dep tanyldy. Onyń úsh shákirti – Ánýar Sarıev, Dáýlet Temirjan jáne Zarına Baıbatına Tokıodaǵy Paralımpıada oıyndarynda kúmis medal jeńip alǵan.
«Barshańyzdy Táýelsizdiktiń 30 jyldyǵymen quttyqtaımyn!. Bul júldeni ıelengenim úshin óte qýanyshtymyn. Qazaqstandyq sportshylarǵa tabys tileımin!, - dedi Qııanov.
