«Altyn Samǵaý-2019»: Búgin elimizdiń eń úzdik sportshylary anyqtalady
Ulttyq Olımpıada komıtetiniń uıytqy bolýymen osymen úshinshi jyl qatarynan ótip jatqan «Altyn Samǵaý-2019» sport júldesi keshine respýblıkalyq jáne halyqaralyq básekelerde el namysyn qorǵap júrgen sportshylar qatysýda.
Elorda tórindegi «Qazaqstan» kontsert zalynda ótip jatqan sharaǵa qatysýshy sport juldyzdary aldymen qyzyl kilemmen júrip ótti.
Kesh barysynda komıtet taǵaıyndaǵan 9 atalym boıynsha eń úzdik sportshy anyqtalady. Jeńimpazdarǵa onlaın daýys berý 15-29 qarasha aralyǵynda ótti.
«Altyn Samǵaý-2019» ulttyq sport júldesi kelesi atalymdar boıynsha tabys etiledi:
1. «Jazǵy sport túrleri boıynsha úzdik sportshy»
2. «Qysqy sport túrleri boıynsha úzdik sportshy»
3. «Úzdik jas sportshy»
4. «Jazǵy sport túrleri boıynsha úzdik jattyqtyrýshy»
5. «Qysqy sport túrleri boıynsha úzdik jattyqtyrýshy»
6. «Olımpıadalyq sport túrleri boıynsha úzdik ulttyq sport qaýymdastyǵy»
7. «Úzdik sporttyq aımaq» (oblys jáne respýblıkalyq deńgeıdegi qalalar, sondaı-aq, elordadaǵy dene shynyqtyrý jáne sport basqarmasy)
8. «Jyl jańalyǵy»
9. «Jyldyń úzdik komandasy»
Sondaı-aq, ulttyq olımpıada komıtetiniń sheshimimen, bıyl alǵash ret «Ǵylymı-keshendi toptyń úzdik mamany» nomınatsııasy qosylyp otyr.
Aıtýly keshte otandyq estrada juldyzdary óz ónerimen keshtiń sánin keltirmek. Atap aıtsaq, «Ninety One» toby, NaZıma, «Moldanazar» toby, Say Mo, Qýandyq Rahym jáne taǵy basqa ánshiler óner kósretedi.
Odan bólek, uıymdastyrýshylardyń aıtýynsha, kesh kórermenderin tosyn syı kútip tur. ıAǵnı kórermender arasynda 2020 jylǵy Tokıoda ótetin jazǵy olımpıadaǵa eki bılet oınatylmaq.
