«Altyn saqa» respýblıkalyq týrnıri: elordalyq komanda birinshi oryndy ıelendi
ASTANA. QazAqparat - Astanada asyq atýdan «Altyn saqa» respýblıkalyq týrnıri ótti. Onda «Astana» komandasy qarsylastaryn shań qaptyryp, birinshi oryndy ıelendi, dep habarlaıdy qalalyq ákimdiktiń baspasóz qyzmeti.
Týrnırge 5-8 synyp oqýshylarynan quralǵan 6 óńirdiń: Astana, Qaraǵandy, Jambyl, Aqmola, Mańǵystaý oblystarynan kelgen 9 komanda qatysty. Ulttyq oıyn jarysynda 45 sportshy mergendikteri men eptilikterin kórsetti. Elordalyq 9 sportshy, onyń beseýi «Jiger» sport klýby atynan qatysty.
Qyzdar arasynda «Jiger» sport klýbynyń tárbıelenýshileri Qýanova Arýjan men Danııarova Kamıla týrnır chempıony atandy. Jalpy komandalyq esep boıynsha «Astana» komandasy alǵa shyǵyp, birinshi oryndy ıelendi. Ekinshi oryn - Mańǵystaý oblysynyń komandasyna buıyrsa, Aqmola oblysynyń sportshylary qola júldeni qanaǵat tutty.
