Altyn Ordanyń 750 jyldyǵy: Atyraýda halyqaralyq konferentsııanyń plenarlyq otyrysy bastaldy

ATYRAÝ. QazAqparat – Atyraýda ótip jatqan «Ulyq ulys – Altyn Orda» atty halyqaralyq ǵylymı-praktıkalyq konferentsııanyń plenarlyq otyrysy bastaldy, dep habarlaıdy QazAqparat tilshisi.

Plenarlyq otyrysty ashqan QR Prezıdenti Ákimshiligi Basshysynyń birinshi orynbasary Dáýren Abaev Memleket basshysy Qasym-Jomart Toqaevtyń quttyqtaýyn oqydy.

Plenarlyq otyrys barysynda Atyraý oblysynyń ákimi Mahambet Dosmuhamedov konferentsııa qonaqtaryna Saraıshyq jobasyn tanystyrady. Sondaı-aq, QR Bilim jáne ǵylym mınıstri Ashat Aımaǵambetov pen Dáýren Abaev ta quttyqtaý sóz alady.

Konfrentsııanyń bul bóliginde qazaqstandyq tarıhshylarmen birge AQSh ǵalymy ıÝlaı Shámiloǵly «Altyn Orda qalalary jáne Saraıshyq» atty baıandama jasaıtyny josparlanǵan.

Plenarlyq otyrys aıasynda konferentsııanyń qararyn qabyldaý kútiledi.

Eske salsaq, kesheden beri Atyraý oblysynda «Ulyq ulys – Altyn Orda» atty halyqaralyq ǵylymı-praktıkalyq konferentsııa ótip jatyr.

Búgin sharanyń paneldik otyrystary bastaldy. Ol 5 taqyrypqa bólingen.

Konferentsııa aıasynda shara qonaqtary men ǵalymdarǵa Saraıshyq aýylyndaǵy etnoaýyl tanystyrylady.