Altyn Ordanyń 750 jyldyǵy: Atyraýda halyqaralyq konferentsııanyń paneldik otyrysy bastaldy

ATYRAÝ. QazAqparat – Atyraý oblysynda ótip jatqan «Ulyq ulys – Altyn Orda» atty halyqaralyq ǵylymı-praktıkalyq konferentsııanyń paneldik otyrystary bastaldy, dep habarlaıdy QazAqparat tilshisi.

Túrkııa, AQSh, Japonııa, Ýkraına, Reseı jáne Qazaqstan ǵalymdarynyń basyn qosqan aýqymdy konferentsııa taqyryptyq mazmunyna oraı 5 panelge bólingen.

Memleket tarıhy ınstıtýty dırektorynyń orynbasary, akademık, tarıh ǵylymdarynyń doktory Búrkitbaı Aıaǵan moderatorlyq etetin 1-panel «Alty Orda dáýiriniń mádenı murasy tarıhı derekterde» degen taqyrypqa arnalmaq.

Bul panelde Qazaqstannyń óz ǵalymdarynan bólek Japonııa, Ýkraına, Reseı ǵalymdary baıandama oqıdy.

Tarıh ǵylymdarynyń doktory, professor Madııar Eleýov moderatorlyq etetin 2 panelde «Arheologııalyq qundylyqtardyń tarıhı mańyzy» degen taqyryp talqylanady.

Konferentsııanyń 3-paneli «Ulyq ulys dáýiri folklorynyń erekshelikteri» degen taqyrypqa arnalsa, 4-panel Qasym han men Saraıshyqtyń qazaq memlekettiligine qosqan úlesi týraly baıandamalar talqyǵa túsedi.

5-panel sýretshiler plenerine arnalyp otyr. Qazaqstannyń Eńbek sińirgen qaıratkeri Іlııa Jaqanov bastaǵan qylqalam sheberleri men dızaınerler Altyn Orda órkenıetin nasıhattaıtyn týyndylaryn ortaǵa salady.