Altyn orda jáne Kenjehan bazarlaryn damytý qalaı júrip jatyr
«Altyn Orda» bazary aýmaǵynda qurylǵan mobıldik toptyń jáne bazar ákimshiliginiń qatysýymen keńeıtilgen keńes ótti. Buryn anyqtalǵan zańbuzýshylyqtardy joıýǵa, jańǵyrtýǵa, fermerlerdi tegin bólingen saýda oryndaryna tartýǵa jáne taǵy basqa máselelerdi talqylandy.
Bazar Aleksandr Nedogarkonyń aıtýynsha, búginde pavılondarda kondıtsıonerler ornatylǵan, turaqty joǵary jyldamdyqty ınternet qamtamasyz etilgen, tamyz aıynyń sońyna deıin avtomobıl qozǵalysyn retke keltirý jáne keptelistermen kúresý úshin aıaldaý jáne toqtaý turaqtary belgilenedi. Jaqyn arada barlyq aýmaqta beınebaqylaý kameralary ornatylady.
«Árbir bazar baqylaýshysynyń qolynda kassalyq apparat bar. Qyzmetkerlermen ınstrýktaj ótkizdik, naryqtaǵy barlyq qarjylyq operatsııalar qazir resmı túrde júrgizilip jatqanyn túsindirdik. Kire beriste kassalyq apparat ta qoıyldy, jaqyn arada ony elektrondy shlagbaýmǵa aýystyramyz. Bul da jumysty jeńildetedi. Bizde ákimshilik bekitken barlyq naryqtyq qyzmetterdiń belgilengen baǵasy bar. Bul aqparat aqparattyq stendterde jazýly jáne kez kelgen kelýshi nemese jalǵa alýshy bizdiń baılanys ortalyǵyna qońyraý shalyp, zańsyz tólemder týraly habarlaı alady. Ashyq túrde jumys isteý úshin bárin jasaımyz. Buryn anyqtalǵan eskertýlerdi kezeń-kezeńimen joıyp jatyrmyz jáne memlekettik organdarmen birlesip osy baǵytta jumysty jalǵastyrýǵa daıynbyz», - dep sendirdi Aleksandr Nedogarko.
Qazir «Altyn ordada» úshinshi pavılonnyń qurylysy júrip jatyr, ony 2025 jyldyń basynda aıaqtaý josparlanǵan. Osy jyldyń sońynda tórtinshi pavılonnyń qurylysy bastalady. Sonymen qatar, zamanaýı kross-doktar salyna bastaıdy, olardyń negizgi mindeti – júkterdi jedel jetkizý jáne saqtaý.
Bazardy aralaı kele, Arman Shakqalıev Úkimet tapsyrmalaryn oryndaýdyń dınamıkasyn kórip otyrǵanyn málimdedi.
«Eskertýler joıylyp jatqanyn kórip otyrmyz. Mobıldi top barlyq zańbuzýshylyqtar tolyǵymen joıylǵanǵa deıin jumys isteýi kerek. Almaty oblysynyń ákimdigi mobıldi toptyń jumysyn kúndelikti baqylaýda ustaýy qajet. Sonymen qatar, bazardan berilgen 100 orynǵa fermerlerdi tartý boıynsha jumysty kúsheıtý qajet», - dedi ol.
«Kenjehan» JShS bas dırektory Sergeı Kım bazardy damytý boıynsha kesheýildeý baryn aıtty.
«Bazarlardy jańǵyrtý týraly 10 jyl aıtylyp keledi, biraq COVID-19 pandemııasy, qazirgi kúrdeli geosaıası jaǵdaı jáne basqa da faktiler tolyǵymen eskerilmeıdi. Jol kartasynda bizdiń bazar bar, biraq biz búgingi kesteden artta qalyp otyrmyz. Biz jańǵyrtýǵa daıynbyz, biraq ákimdik bizge eskızdik jobany áli kelisken joq», - dedi ol.
Arman Shaqqalıev naryqtardy jańǵyrtý protsesinde menshik ıeleriniń múddeleri mindetti túrde eskeriletinine sendirdi.
«2025 jylǵa deıin ázirlengen jol kartasy bar, onda jobalyq-smetalyq qujattamany ázirleýden bastap, ár aımaq boıynsha, árbir bazar boıynsha jumystardy aıaqtaýǵa deıingi jańǵyrtý protsesi jan-jaqty qamtylǵan. Jol kartasynyń oryndalýyna Úkimet tarapynan turaqty monıtorıng júrgiziledi. Sonymen qatar, Almaty qalasy ákimdiginiń janynan qalanyń saýda bazarlary qyzmetiniń problemalyq máselelerin qaraý jáne sheshý jónindegi jumys toby jumys isteıdi, ol Jol kartasyn iske asyrý boıynsha barlyq qajetti sharalardy qabyldaýy tıis», - dedi ol.
