Altyn Orda handary týraly maǵlumattardy Qazaqstannyń tarıh oqýlyqtaryna engizý qajet - ǵalym
ASTANA. QazAqparat - Altyn Ordanyń handary men uly tulǵalary týraly búgingi tarıh oqýlyqtaryna barynsha engizilýi kerek. Bul týraly búgin OKQ-de ótken baspasóz máslıhatynda L.Gýmılev atyndaǵy Eýrazııa ulttyq ýnıversıteti saıasattaný kafedrasynyń dotsenti, PhD doktory Jaqsylyq Sábıtov málim etti.
«Altyn Ordanyń handary men uly tulǵalary búgingi tarıh oqýlyqtarynda keńinen kórinis tabýy tıis. Berke hannyń ózin alaıyq. Berke hannyń tarıhtaǵy orny erekshe. Alaıda, ol Qazaqstan jerinde bılik jasamaǵan adam sııaqty, bizdiń tól batyrymyz retinde oqytylmaıdy», - dedi ol.
Onyń sózine qaraǵanda, Qazaq handyǵy Altyn Ordanyń tikeleı murageri bolǵandyqtan, onyń tarıhtaǵy úlesin baǵalamaý múmkin emes.
Ondaǵy saıası qaıratkerler de bizdiń ult bolyp, memleket bolyp qalyptasýymyzǵa eren eńbek etti.
«2019 jyly Altyn Ordanyń 750 jyldyǵyn atap ótý qajet sııaqty. Sebebi, Talas ózeni boıynda úsh ulystyń bıleri jınalyp, Talas kelisimine qol qoıady da, táýelsiz Altyn Orda memleketin qurady. Qazaq jerinde Mońǵol memleketi sol kezden bastap joıyldy», - dep túıdi sózin saıasattanýshy.
