Altyn Orda bıleýshileriniń asa qundy ydysy tabyldy
ASTANA. QazAqparat - Azovta jergilikti ólketaný murajaıynyń arheologııalyq ekspedıtsııasy XIV ǵasyrdaǵy iri qolóner keshenin qazdy. Munan tabylǵan jádigerlerdiń ishindegi biregeı keramıkalyq tostaǵan ǵalymdar nazaryn aýdartyp otyr.
Bul metall ydystarǵa oıý-órnek salýǵa arnalǵan sırek kezdesetin, asa aýyr eńbekti qajet etetin tehnıka.
- Orta ǵasyrda altynordalyq Azaq qalasynda jumys isteıtin qyshtan zat jasaýshylar kórkem keramıka óndirýde ózderiniń jeke áshekeıli stılin qurdy, - deıdi arheologııa bóliminiń meńgerýshisi, Azov murajaı-qoryǵynyń ǵylymı qyzmetkeri Andreı Maslovskıı.
XIII ǵasyrda qazirgi Azovtyń ornynda altynordalyq Azaq qalasy bolǵan. Ol arqyly Eýropa men Qytaı arasyndaǵy uly saýda joly ótip, sondaı-aq Eýrazııanyń soltústigi men Konstantınopol arasyndaǵy qatynastyń negizgi kúretamyryna aınalǵan. Qala iri saýda, qolóner ortalyǵy boldy. XIV-XV ǵasyrlarda óz monetalaryn shyǵarǵan. 1365 jyly qalany Aqsaq temir áskeri jaýlady, Al 1471 jyly túrikter basyp alyp, ony Osman ımperııasynyń qýatty áskerı bekinisine aınaldyrdy.
