«Altyn Orda» bazarynyń joly qashan ashylady
ALMATY. QazAqparat - «Altyn Orda» bazarynyń mańyndaǵy jolaıryǵynyń qurylysy áli jalǵasýda. Qurylys-montajdaý jumystaryn tolyq aıaqtaý 2021 jyldyń sońyna josparlanǵan, dep habarlaıdy QazAqparat tilshisi.
Búginde «taǵa» tıpi boıynsha kólik aıryǵynyń armatýralyq qańqasyn ornatý jumystary júrgizilip jatyr. Joldyń júrý bóligi 10 jolaqqa deıin keńeıtiledi. Aqsaı ózenindegi kópir qurylysy, úsh jerústi jaıaý júrginshiler kópiri men elektr, gaz qubyry, baılanys jumystary aıaqtaldy.
«Altyn-Orda» jobasyn iske asyrý úshin 16-19 shaqyrymǵa 10,7 mlrd teńge bólindi. Jobany tolyq aıaqtaý 2021 jylǵa josparlanyp otyr», - dep habarlady «QazAvtoJol» baspasóz qyzmeti.
Eske salaıq, Almatyda on jolaqty tas joldyń qurylysy 2017 jyly bastalǵan bolatyn.
